استانادا جىلىتىلعان ايالدامالاردى ورناتۋ ۋاقىتشا توقتاتىلدى

استانا. قازاقپارات - ەلوردادا جىلىتىلعان ايالدامالاردى ورناتۋ جۇمىستارى ۋاقىتشا توقتاتىلدى. بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «قالالىق شەشىمدەر بيۋروسى» ورتالىعىنىڭ ديرەكتورى داۋرەن قايساروۆ ءمالىم ەتتى،

دەپ حابارلايدى قازاقپارات.

 «شىنىندا دا قازىرگى كەزدە جىلىتىلعان ايالدامالاردى ورناتۋ جۇمىستارى ۋاقىتشا توقتاتىلدى. سەبەبى، بۇگىندە اتالعان پاۆيلونداردى ورناتۋداعى قادامدار قايتا قارالدى. وسى كۇنى بەس ينۆەستور بار جانە ولار ىنتىماقتاستىقتىڭ ءتۇرلى باعىتتارىندا قالالىق كەڭەس الدىندا وزدەرىنىڭ جوبالارىن قورعاپ وتىر. ياعني، بۇل رەتتە تەك ايالداما عانا ەمەس، سونىمەن قاتار تۇتاس ايالدامالىق كەشەن قامتىلماق. وندا ايالداما، جول بويىنداعى سەرۆيس مىندەتتى بولادى»، - دەدى ول.

وسى كەشەندە قوعامدىق دارەتحانا، جەرگىلىكتى پوليتسيا قىزمەتىنىڭ بەكەتى، سونداي- اق قوعامدىق تاماقتانۋ ورىندارى بولادى دەپ كۇتىلۋدە.

 بەلگىلى بولعانداي، قازىرگى كەزدە بىرنەشە ينۆەستور استانانىڭ اۋماعىندا 200-گە جۋىق پاۆيلوندى ورناتۋعا دايىن كورىنەدى. ايالدامالار نەگىزىنەن مەكتەپتەر مەن اۋرۋحانالار سەكىلدى الەۋمەتتىك نىساندار جانىندا سالىنادى.  

اۆتور: رۋسلان عابباسوۆ