قازاقپارات بىرىككەن اراب امىرلىكتەرىنىڭ اقپاراتتىق اگەنتتىگىمەن ىنتىماقتاستىق تۋرالى مەموراندۋمعا قول قويدى - فوتو
«قازاقپارات» حالىقارالىق اقپاراتتىق اگەنتتىگىنىڭ باس ديرەكتورى اسەل تولەگەنوۆا مەن «WAM» اقپاراتتىق اگەنتتىگىنىڭ اتقارۋشى ديرەكتورى ال- رايسي مىرزا ق ر اقپارات جانە كوممۋنيكاتسيالار ءمينيسترى داۋرەن ابايەۆ پەن «WAM» اقپاراتتىق اگەنتتىگىنىڭ اتقارۋشى ديرەكتورى موحامەد دجاليال ءال- رايسيمەن كەزدەسۋ كەزىندە ىنتىماقتاستىق تۋرالى مەموراندۋمعا قول قويدى. قۇجات كاسىبي بىرلەستىكتەر مەن حالىقارالىق ۇيىمدارداعى مۇشەلىك شەڭبەرىندە ەلدەر اراسىندا تاجىريبەمەن، جاڭالىق ماتەريالدارمەن، اقپاراتتىق قىزمەتتەرمەن الماسۋدى، ىنتىماقتاستىقتى جانە ۇيلەستىرۋدى بولجايدى. قۇجات جۋرناليستەردىڭ الماسۋ بويىنشا تاعىلىمدامادان وتكىزۋدى كوزدەيدى.
«ءبىز قازاقستان رەسپۋبليكاسىمەن بۇرىننان بەرى تىعىز قارىم- قاتىناستامىز، بۇل كەلىسىم ەكى ەل اراسىنداعى اقپارات سالاسى بولىگىندەگى ءوزارا ءىس- قيمىلدى كۇشەيتەدى، جاڭالىقتارمەن الماسۋدى جەڭىلدەتەدى، ءبىر ءبىرىمىز تۋرالى تولىعىراق اقپارات بەرىلەدى دەپ ۇمىتتەنەمىز. ءبىز بىرلەسكەن ىنتىماقتاستىقتا ۇلكەن مۇمكىندىكتى جانە بولاشاقتى كورەمىز. سونداي- اق، ءبىز وسى باعىتتا جۇمىستى باستاي وتىرىپ، ءوزىمىزدىڭ مۇمكىندىكتەرىمىزدى كەڭەيتە الامىز دەپ ويلايمىن» ، - دەدى موحامەد دجاليال ءال رايسي.
«ءبىز اراب ەلىنە شاقىرعاندارىڭىز ءۇشىن العىسىمىزدى بىلدىرەمىز. بۇل ەكى ەل اراسىنداعى ءوزارا ءىس- قيمىلدى جالعاستىرۋعا كومەكتەسەدى. ءبىز ب ا ءا- مەن ىنتىماقتاسۋعا قىزىعۋشىلىق تانىتىپ وتىرمىز. ەكى ەلدىڭ كوشباسشىلارى ەكى مەملەكەت اراسىنداعى ءوزارا ءىس- قيمىل جەمىستى بولۋى ءۇشىن بارلىعىن جاساۋدا. بۇدان باسقا، ىنتىماقتاستىق شەڭبەرىندە 2017 -جىلعى 10 - ماۋسىم - 10- قىركۇيەك ارالىعىندا قازاقستاننىڭ ەلورداسىندا وتەتىن الداعى ەكسپو 2017 دۇنيەجۇزىلىك كورمەسىن تولىق جاريالاۋعا نيەتتىمىز. تابىستى ىنتىماقتاسۋعا ۇمىتتەنەمىز»، - دەدى اقپارات جانە كوممۋنيكاتسيالار ءمينيسترى داۋرەن ابايەۆ.
ەسكە سالا كەتسەك، «WAM» اقپاراتتىق اگەنتتىگى 1976 - جىلى قۇرىلعان جانە بۇگىندە ب ا ءا- دەگى ەڭ تانىمال اقپاراتتىق تۇعىرناما بولىپ تابىلادى.
