داۋرەن ابايەۆ دۋبايدا الەمدىك ۇكىمەت سامميتىنە قاتىستى
دەپ حابارلايدى مينيسترلىكتىڭ باسپا ءسوز قىزمەتى.
سامميت بۇكىل الەمدە بولاشاق ۇكىمەتتى قالىپتاستىرۋعا ارنالعان جاھاندىق تۇعىرناما بولىپ تابىلادى.
130 ۇكىمەت جانە حالىقارالىق ۇيىم وكىلدەرى دۋبايدا مەملەكەتتىك مەكەمەلەردىڭ جۇمىسىن تالقىلاۋدا. سامميت جىل سايىن ادامزات الدىندا تۇرعان امبەباپ پروبلەمالاردى شەشۋ ءۇشىن يننوۆاتسيالار مەن تەحنولوگيالاردى قالاي پايدالانۋ كەرەك ەكەنىنە باسا نازار اۋدارا وتىرىپ، ۇكىمەتتىڭ كەلەسى تولقىنىنا وزەكتى مىندەتتەر قويۋدا.
The World Government Summit- ءتىڭ وتكىزىلۋى شەڭبەرىندە داۋرەن ابايەۆ Dubai Media City قىزمەتىمەن تانىستى.
Dubai Media City نەگىزى 2000-جىلى قالانعان. مەدياورتالىق Dubai Holding قۇرامىنا كىرەدى جانە مەديايندۋستريامەن، ينتەرنەت- قولداۋمەن، جاڭالىقتاردى سۇيەمەلدەۋمەن، فيلمدەر مەن روليكتەردى شىعارۋمەن اينالىسادى. سونداي- اق مەدياورتالىق باسپا ونىمدەرىمەن جانە باسپامەن اينالىسادى، ءتۇسىرىلىم توپتارى ءۇشىن كوپتەگەن پاۆيلوندارى دا بار. مەدياورتالىق الەمنىڭ 24 مەملەكەتىندەگى 1300-دەن استام مەديا كومپانيالاردىڭ قىزمەتىن ۇيلەستىرۋشى كلاستەر بولىپ تابىلادى.
اقپارات جانە كوممۋنيكاتسيالار ءمينيسترى ب ا ق جانە تەلە-راديو ، كينويندۋستريا سالاسىنداعى وسىنداي تاجىريبە قازاقستانعا دا مەديا كومپانيالاردىڭ ءوزارا ءىس- قيمىل جاساۋى بولىگىندە پايدالى بولۋى مۇمكىن ەكەنىن اتاپ ءوتتى.
سونىمەن قاتار، مينيستر «WAM» اقپاراتتىق اگەنتتىگىنىڭ اتقارۋشى ديرەكتورى موحامەد دجاليال ال- رايسيمەن كەزدەستى.
بۇل كەزدەسۋ بارىسىندا «قازاقپارات» حالىقارالىق اقپاراتتىق اگەنتتىگىنىڭ باس ديرەكتورى اسەل تولەگەنوۆا مەن «WAM» اقپاراتتىق اگەنتتىگىنىڭ اتقارۋشى ديرەكتورى ال- رايسي مىرزا ىنتىماقتاستىق تۋرالى مەموراندۋمعا قول قويدى. قۇجات كاسىبي بىرلەستىكتەر مەن حالىقارالىق ۇيىمدارداعى مۇشەلىك شەڭبەرىندە ەلدەر اراسىندا تاجىريبەمەن، جاڭالىق ماتەريالدارمەن، اقپاراتتىق قىزمەتتەرمەن الماسۋدى، ىنتىماقتاستىقتى جانە ۇيلەستىرۋدى بولجايدى. قۇجات جۋرناليستەردىڭ الماسۋ بويىنشا تاعىلىمدامادان وتكىزۋدى كوزدەيدى.
