تاۋعا شىعامىز دەپ جاراقات العان الماتىلىق بويجەتكەندەر قۇتقارىلدى

استانا. قازاقپارات - الماتىلىق تۋريستەردىڭ دەمالىس كۇندەرى ءداستۇرلى تاۋعا شىعۋ جورىقتارى رەسپۋبليكالىق جەدەل- قۇتقارۋ جاساعىنىڭ قىزمەتكەرلەرى ءۇشىن جەكسەنبىلىك ىزدەستىرۋ- قۇتقارۋ جۇمىستارىنا ۇلاسىپ كەتىپ جاتادى.

 وتكەن دەمالىس كۇندەرى دە وسىنداي جاعداي قايتالاندى، دەپ حابارلايدى ت ج ك- نىڭ سايتى.

12 - اقپاندا ساعات 14:40-تا ر ج ق ج جەدەل كەزەكشىلىگىنىڭ تەلەفونىنا قوڭىراۋ كەلىپ ءتۇستى: فۋرمانوۆ شىڭىنا شىعاتىن جولدا تۋريستىك توپپەن اتتانعان جاس قىز قۇلاپ ارقاسىن زاقىمداپ العان.

ر ج ق ج قۇتقارۋشىلارىنىڭ وقيعا ورنىنا شىققانى سول ەدى، جەدەل كەزەكشىلىككە تاعى ءبىر قوڭىراۋ كەلىپ ءتۇستى: ءبىرىنشى وقيعا بولعان جەردەن قاشىق ەمەس باسقا تۇستا تاعى ءبىر بويجەتكەن قۇلاپ اياعىن زاقىمداپ العانى حابارلاندى.

ايتا كەتەرلىگى، ەكى وقيعا قيماساروۆ شاتقالىندا، «دەنساۋلىق سوقپاعى» دەپ اتالاتىن جولدا ورىن العان. قىزىقتى اتاۋىنا قاراماستان، تۋريستەردىڭ تاۋعا شىققاندا شاتقالداعى سۇرلەۋدە جۇرۋگە جاۋاپسىزدىق تانىتىپ، سايكەس كەلمەيتىن اياق كيىممەن شىقسا ساپار سوڭى ەمدەۋ مەكەمەسىنە اكەلەدى.

ەكى زارداپ شەگۋشىنىڭ ءبىر- بىرىنە جاقىن بولۋىنا قاراماستان، تاعى ءبىر جەدەل جاساق توبىن جىبەرۋ تۋرالى شەشىم قابىلداندى. ويتكەنى ولاردىڭ جەكە جەكە تاسىمالداۋ قاجەت ەدى.

قۇتقارۋ جۇمىستارى ۇزاققا سوزىلعان جوق: ەكى زارداپ شەگۋشى تابىلدى. ر ج ق ج مەديتسينالىق ءبولىمىنىڭ قىزمەتكەرلەرى ولارعا العاشقى كومەك كورسەتتى، سودان سوڭ، قىزدار تومەندە كۇتىپ تۇرعان اپاتتار مەديتسيناسى ورتالىعىنىڭ بريگاداسىنا دەيىن تاسىمالداندى.

ىزدەستىرۋ جۇمىسىنا ر ج ق ج جەكە قۇرامىنان 12 ادام جانە 2 دانا تەحنيكا جۇمىلدىرىلدى. 2 ادام قۇتقارىلدى.