ديماش قۇدايبەرگەن ەكىنشى اينالىمنىڭ قورىتىندىسى بويىنشا - ەكىنشى ورىندا
ەكىنشى اينالىمنىڭ ەكى جارىس كۇنىنىڭ (ءۇشىنشى جانە ءتورتىنشى كەزەڭ) قورىتىندىسى بويىنشا، ديماش سايكەسىنشە 14,82 پايىز جانە 15,56 پايىز داۋىستار جيناپ، قورىتىندى ەسەپتە 15,19 پايىز داۋىسپەن ەكىنشى ورىنعا ورنالاستى. وسىلايشا ول كەلەسى اينالىمعا ءوتتى.
ەكىنشى اينالىمنىڭ قورىتىندىسى:
1. پايىز (19 پايىز)
2. ديماش قۇدايبەرگەنوۆ (15,19 پايىز)
3. «Lion» روك توبى (14,53 پايىز)
4. Sandy Lam (14,09%)
5. چجاو لەي (13,01 پايىز)
6. چجان تسزە (12,28 پايىز)
7. دۋ ليشا (11,87 پايىز)
ايتا كەتەيىك، جەرلەسىمىز ءبىرىنشى كەزەڭدە 27,00 پايىز، ال ەكىنشى كەزەڭدە 24,36 پايىز داۋىس جيناپ، ءبىرىنشى اينالىمنىڭ قورىتىندىسى بويىنشا 25,68 پايىز داۋىسپەن باس جۇلدەنى ەنشىلەگەن بولاتىن.
بۇعان دەيىن حابارلاعانىمىزداي، 5-اينالىمنان تۇراتىن ىرىكتەۋ كەزەڭىنىڭ ءار اينالىمى ەكى كەزەڭدى قامتيدى، بايقاۋ جالپى ون كەزەڭگە بولىنگەن. جوبانىڭ ءار اينالىمىنىڭ ەكى جارىس كۇنىنەن كەيىن جالپى قورىتىندى جاريالانادى. ءتورتىنشى كەزەڭدە دۋ ليشا حانىم ءتورتىنشى ورىندى يەلەنگەنىمەن، قورىتىندى ەسەپ بويىنشا جەتىنشى ورىننان كورىنىپ، جارىس جولىنان شىعىپ قالدى.
ديماش بەسىنشى كەزەڭدە امەريكالىق ءانشى پيتەر دجين ەرناندەستىڭ (برۋنو مارس) رەپەرتۋارىنان «Uptown Funk» ءانىن ورىنداماق.
اۆتور: مۇحتار قاليموللا ۇلى
