قازاقستاندىقتار ەڭ كوپ حات جولدايتىن ەلدەر انىقتالدى

الماتى. قازاقپارات - «قازپوشتا» اكسيونەرلىك قوعامى «قازاقپارات» ح ا ا جولداعان رەسمي ساۋالعا جاۋاپ بەرە وتىرىپ، قازاقستاندىقتار ەڭ كوپ حات جازاتىن توپ-10 ەلدى اتادى.

رەسمي مالىمەتكە سۇيەنسەك، قازاقستاندىقتار 2016-جىلى ەڭ كوپ حاتتى رەسەيگە جولداعان - 541 مىڭ. ەكىنشى ورىندا قىتاي تۇر، بۇل ەلگە وتانداستارىمىز 102 مىڭ حات جونەلتكەن. ال سينگاپۋرعا بىلتىر 90 مىڭ حات جىبەرىلگەن. قازاقستاننىڭ ءىرى ينۆەستورى نيدەرلاندىعا سالىستىرمالى تۇردە ايتقاندا وتە از، ياعني، 40 مىڭ حات جولدانىپتى.

گونكونگقا 16 مىڭ حات بارسا، گەرمانياعا - 10 مىڭ، ۋكرايناعا - 10 مىڭ، انگلياعا - 5 مىڭ، بەلارۋس ەلىنە 4 مىڭ حات جازىلعان.

اۆتور: الماس مۇقاش ۇلى