ۇكىمەتتە رەسپۋبليكالىق بيۋدجەتتىڭ ناقتىلانعان بولجامى تانىستىرىلادى
«وتىرىس بارىسىندا ۇلتتىق ەكونوميكا ءمينيسترى تيمۋر سۇلەيمەنوۆ پەن قارجى ءمينيسترى باقىت سۇلتانوۆ 2017-2021-جىلدارعا ارنالعان قازاقستاننىڭ الەۋمەتتىك-ەكونوميكالىق دامۋىنىڭ، سونداي-اق الداعى ءۇش جىلعى رەسپۋبليكالىق بيۋدجەتتىڭ ناقتىلانعان بولجامىن تانىستىرادى»، - دەدى بۇگىنگى بريفينگتە ورتالىق كوممۋنيكاتسيالار قىزمەتىنىڭ رەسمي وكىلى مۇرات جۇمانباي.
بۇدان بولەك، مادەنيەت جانە سپورت ءمينيسترى ارىستانبەك مۇحامەدي ۇلى الماتىداعى ۋنيۆەرسيادانىڭ قورىتىندىسى بويىنشا ەسەپ بەرەدى. سونداي-اق 2015-2019-جىلدارعا ارنالعان «نۇرلى جول» مەملەكەتتىك باعدارلاماسىن ىسكە اسىرۋ جايى ءسوز بولماق. وتىرىس بارىسىندا ينۆەستيتسيالار جانە دامۋ ءمينيسترى جەڭىس قاسىمبەك، ەنەرگەتيكا ءمينيسترى قانات بوزىمبايەۆ، ءبىلىم جانە عىلىم ءمينيسترى ەرلان ساعاديەۆ، «سامۇرىق-قازىنا» قورىنىڭ باسشىسى ءومىرزاق شوكەيەۆ پەن «بايتەرەك» ۇلتتىق حولدينگىنىڭ ءتوراعاسى ەربولات دوسايەۆ بايانداما جاسايتىنى كۇتىلۋدە.
اۆتور: ارمان اسقاروۆ
