13:08, 13 - اقپان 2017 | GMT +5
بيشىمبايەۆ زاۋىت قۇرىلىسى كەزىندە ميلليارد تەڭگە جىمقىرعان - ۇلتتىق بيۋرو
استانا. قازاقپارات - «بايتەرەك ۇ ب ح» ا ق باسقارماسىنىڭ ءتوراعاسى قىزىلوردا قالاسىندا تاباق شىنى شىعاراتىن جانە وڭدەيتىن زاۋىتىن سالۋ كەزىندە «Orda Glass» ج ش س ۆەدومستۆولىق باعىنىستاعى كومپانيا مەن ونىڭ مەردىگەرلىك ۇيىمى «شىمكەنت حيم مونتاج» ج ش س ارقىلى 1 ميلليارد تەڭگە جىمقىرۋ قىلمىستىق سحەماسىن ۇيىمداستىرعان.
بۇل تۋرالى سىبايلاس جەمقورلىققا قارسى ۇلتتىق بيۋرو باسپا ءسوز قىزمەتى حابارلادى.
«قىلمىستىق سحەماعا وسى ۇيىمنىڭ باسشىلارى د. يبراشەۆ، ج. يسابەكوۆ، م. قوجابايەۆ تا تارتىلعان. ۇرلانعان قاراجاتتى «قۇرىلىس مەتال كونسترۋكتسيالار زاۋىتى» اففيليرلەنگەن كومپانياسى ارقىلى جۇمىسشىلاردىڭ تاماعى مەن تۇراتىن جەرىنە تولەم رەتىندە قولما-قول اقشاعا اينالدىرعان.
ق. بيشىمبايەۆ اتالعان سومانىڭ 2 ميلليون ا ق ش دوللارىن ءوزىنىڭ دەلدالى - تۋىس ءىنىسى س. نۇرلىبەك ارقىلى العان، ج. يسابەكوۆ، م. قوجابايەۆ، س. نۇرلىبەككە قاتىستى تۇتقىنداۋ شاراسى قابىلداندى. د. يبراشەۆ كىناسىن مويىنداعانى، تەرگەۋگە جاردەمدەسكەنى ءۇشىن ءۇي قاماققا الىندى»، - دەلىنگەن حابارلامادا.
سوت الدى تەرگەۋ جۇرگىزىلۋدە.
