قىتايداعى الەم بويىنشا ەڭ كوپ جالاقى الاتىن فۋتبولشى جىل بويى ءبىر رەت تە گول سوقپاعان

استانا. قازاقپارات - قىتايلىق «حەبەي فورچۋن» كلۋبىنىڭ ارگەنتينالىق شابۋىلشىسى، الەمنىڭ ەڭ جالاقىسى جوعارى فۋتبولشىسى اتانعان ەسەكيەل لاۆەسسي سوڭعى جىلى بىردە-ءبىر گول سوققان جوق.

بۇل تۋرالى «لەنتى. رۋ» حابارلادى.

2016-جىلعى ماۋسىمدا لاۆەسسي 2016-امەريكا كۋبوگىنىڭ ا ق ش كومانداسى مەن ارگەنتينالىقتار اراسىنداعى جارتىلاي فينال ويىنىندا قولىن سىندىرىپ العان جانە قىتايعا ورالعان كەزدە «حەبەي فورچۋن» نەگىزگى قۇرامىنداعى ورنىن جوعالتىپ الدى. وسى ۋاقىت ىشىندە كوماندا ءۇشىن ول 10 ويىن عانا وتكىزىپ، ءبىر رەت تە گول سوقپاعان.

لاۆەسسي اپتاسىنا 577 مىڭ ەۋرو (620 مىڭ دوللار) الادى، ياعني، الەمدەگى ەڭ جالاقىسى كوپ فۋتبولشى. ول فرانسۋزدىق «پاري-سەن جەرمەننەن» قىتايعا اۋىسىپ، 2016-جىلعى 12-اقپاندا «حەبەي فورچۋنمەن» كەلىسىم-شارتقا قول قويعان بولاتىن.