قورعانىس ءمينيسترى تالدىقورعان گارنيزونىنىڭ جاۋىنگەرلىك ازىرلىگىن تەكسەردى - فوتو

استانا. قازاقپارات - قازاقستاننىڭ قورعانىس ۆەدومستۆوسىنىڭ باسشىسى گەنەرال-پولكوۆنيك ساكەن جاسۇزاقوۆ تالدىقورعان گارنيزونىندا جۇمىس ساپارىمەن بارىپ قايتتى.

ساپار بارىسىندا مينيستر بيىلعى وقۋ جىلىنىڭ احۋالى مەن جاۋىنگەرلىك دايارلىق جوسپارىن ورىنداۋ جونىندەگى ق ر ق ك اۋە قورعانىسى كۇشتەرى باس قولباسشىسىنىڭ جانە ق ر ق ك اەروۇتقىر اسكەرلەرى قولباسشىسىنىڭ باياندامالارىن تىڭدادى.

بۇدان وزگە، تالدىقورعان گارنيزونىنىڭ كەيبىر بولىمشەلەرى جاۋىنگەرلىك ازىرلىكتىڭ جوعارى دارەجەسىنە كەلتىرىلدى. ق ر قورعانىس ءمينيسترى ولاردىڭ تەحنيكالىق جابدىقتالۋى مەن قامتاماسىز ەتىلۋىن تەكسەردى، سونداي-اق اسكەري قىزمەتشىلەردىڭ الەۋمەتتىك-تۇرمىستىق جاعدايلارىنا ەرەكشە نازار اۋداردى.

وسى ساپار اياسىندا ساكەن جاسۇزاقوۆ اۋە قورعانىسى كۇشتەرى مەن 21751 اسكەري ءبولىمنىڭ باسشىلىق قۇرامىمەن جۇمىس كەڭەسىن وتكىزىپ، وندا اۆياتسيالىق بازانىڭ جاۋىنگەرلىك ازىرلىگى مەن ۇشۋلار قاۋىپسىزدىگىن قامتاماسىز ەتۋ جونىندە بىرنەشە ناقتى تاپسىرمالار بەردى.