ا ق ش، جاپونيا جانە وڭتۇستىك كورەيا ب ۇ ۇ ق ك- ءنىڭ شۇعىل وتىرىسىن شاقىرۋدى تالاپ ەتتى

استانا. قازاقپارات - ا ق ش، جاپونيا جانە وڭتۇستىك كورەيا ك ح د ر- دىڭ راكەتا ۇشىرۋىنا بايلانىستى ب ۇ ۇ قاۋىپسىزدىك كەڭەسىنىڭ شۇعىل وتىرىسىن شاقىرۋدى تالاپ ەتتى، دەپ حابارلايدى قازاقپارات.

«ا ق ش جاپونيامەن جانە وڭتۇستىك كورەيامەن بىرگە ك ح د ر- دىڭ 12- اقپان كۇنى بالليستيكالىق راكەتانى جىبەرۋىنە بايلانىستى شۇعىل كونسۋلتاتسيا وتكىزۋدى تالاپ ەتتى»، - دەپ حابارلادى امەريكالىق ميسسيانىڭ وكىلى.

رەيتەر اگەنتتىگىنىڭ مالىمەتىنشە، ب ۇ ۇ ق ك وتىرىسى دۇيسەنبىگە جوسپارلانۋدا.

جەكسەنبى كۇنى ك ح د ر ارەكەت ەتۋ راديۋسى ورتاشا «پۋككىكسون-2» («تەمىرقازىق-2») بالليستيكالىق راكەتاسىن سىنادى. كورەيانىڭ ورتالىق تەلەگرافتىق اگەنتتىگىنىڭ حابارلاماسىن كەلتىرە وتىرىپ رەنحاپ- تىڭ حابارلاۋىنشا، «جەر-جەر» ساناتىنداعى اتالمىش ستراتەگيالىق زىمىران سىناقتان ءساتتى ءوتتى.

2006-جىلدان بەرى پحەنيان بەس يادرولىق سىناق جانە راكەتالىق ۇشىرىلىمداردىڭ سەرياسىن ىسكە اسىردى.

12- اقپان كۇنى قازاقستان رەسپۋبليكاسىنىڭ سىرتقى ىستەر مينيسترلىگى كورەي حالىق دەموكراتيالىق رەسپۋبليكاسىنىڭ بالليستيكالىق زىمىران ۇشىرۋىنا قاتىستى مالىمدەمە جاساعان بولاتىن.