دۋبايدا ۇشاتىن اۆتوكولىك ءتۇرى تانىستىرىلدى - كەسكىن
بۇل تۋرالى Khaleej Times باسىلىمى حابارلايدى.
قىتايلىق Ehang كومپانياسى قۇراستىرعان «اۆتونومدى ۇشۋ اپپاراتى» جولاۋشىلاردى قىسقا قاشىقتىقتارعا تاسىمالدايتىن يننوۆاتسيالىق جانە ەكولوگيالىق ترانسپورت ءتۇرى بولىپ تابىلادى.
بۇل كولىك قىزمەتىن تۇتىنۋ ءۇشىن جولاۋشىلار ورناتىلعان ناۆيگاتسيالىق جۇيە نەمەسە سەنسورلى ەكران ارقىلى كەرەكتى كەزدەسۋ ورىنىن تاعايىنداي الادى. قۇراستىرۋشىلار ۇشۋدىڭ قاۋىپسىز بولاتىنىن ايتىپ وتىر. كولىك ەلەكتر ارقىلى قوزعالادى. ال ۇشپاعان كەزدە ونىڭ قاناتتارى جاسىرىنىپ، سيپاتى كادىمگى كولىككە ۇقساپ قالادى.
كولىكتىڭ جۇرگىزۋشىسى بولمايدى. ونى جولاۋشىلار ۇشۋ جانە قونۋ تەتىكتەرىن باسقارۋ ارقىلى جۇرگىزە نەمەسە ۇشىرا الادى. كولىك قوزعالىسىن باقىلايتىن جالپى كوماندالىق ورتالىق اۋا- رايى قۇبىلمالى كەزدە ۇشۋعا تىيىم سالادى. ازىرگە جاڭا ۇشۋ اپپاراتىنىڭ دۋبايدا ناقتى قاشان ىسكە قوسىلاتىنى بەلگىسىز. World Government Summit فورۋمى 14 -اقپانعا دەيىن سوزىلادى.
