09:37, 13 - اقپان 2017 | GMT +5
تۇركيادا دونالد ترامپتىڭ سىڭارى تابىلدى - فوتو
استانا. قازاقپارات - ا ق ش- تىڭ جاڭا پرەزيدەنتى دونالد ترامپتان اۋمايتىن ەر ادام تۇركياداعى گيرەسۋن پروۆينتسياسىنان تابىلدى.
بۇل تۋرالى Sputnik ازەربايدجان حابارلايدى.
امەريكالىق پرەزيدەنتتىڭ ەگىزى ابدۋللا توپچى كەشەگى ۋاقىتقا دەيىن پروۆينسيالىق كەپريباشى قالاشىعىنىڭ گۋبەرناتورى قىزمەتىن اتقارعان. ابدۋللانىڭ ترامپپەن ۇقساستىعى كوپشىلىكتىڭ نازارىن اۋدارىپ، ونىمەن سۋرەتكە تۇسەتىندەردىڭ دە قاتارى كوبەيگەن.
«كوبىسى مەنىمەن سۋرەتكە تۇسەدى. وسىنداي ۇقساستىقتىڭ ارقاسىندا مەن جەرگىلىكتى تانىمال ادامعا اينالدىم. ادامدار ماعان ازىلدەپ سۇراقتار قويىپ جاتادى، مەندە ولارعا ازىلمەن جاۋاپ قايتارامىن»، - دەيدى توپچى.
ول ترامپ پرەزيدەنت بولعان ۋاقىتتا تۇركيا مەن امەريكا قارىم-قاتىناسى تابىستى بولادى دەپ سەنەدى.
