08:08, 13 - اقپان 2017 | GMT +5
فيليپپيندە بولعان جەر سىلكىنىسىنەن قازاقستاندىقتار زارداپ شەككەن جوق
استانا. قازاقپارات - فيليپپيندە جەر سىلكىنىسى سالدارىنان زارداپ شەككەن قازاقستاندىقتار جايلى مالىمەت جوق، دەپ حابارلادى «قازاقپارات» ءتىلشىسى ق ر ي د م تۋريزم يندۋسترياسى دەپارتامەنتىنىڭ باسشىسى مارات يعاليعا سىلتەمە جاساپ.
«دەپارتامەنتكە زارداپ شەككەن قازاقستاندىقتار جايلى اقپارات جانە تۋروپەراتورلاردان شتاتتان تىس جاعدايلار تۋرالى مالىمدەمە تۇسكەن جوق.
قازىر فيلليپين اۋماعىندا قازاقستاننان بارعان تۋريستەر كوپ ەمەس»، - دەپ حابارلادى ول.
دەپارتامەنت ي د م- مەن بايلانىسىپ، جاعدايدى باقىلاۋدا، مارات يعالي فيلليپيندەگى قازاقستاندىقتارعا قاۋىپسىزدىك تالاپتارىن ساقتاۋدى، جەرگىلىكتى بيلىك نۇسقاۋلارىن ۇستانۋدى ۇسىندى.
اتاپ وتسەك، 11- اقپاندا فيلليپپين وڭتۇستىگىندە ماگنيتۋداسى 6,7 بال جەر سىلكىنىسى تىركەلدى. سالدارىنان 4 ادامعا دەيىن قايتىس بولىپ، 120 دان استام ادام جارالانعانى ايتىلۋدا. الدىن الا دەرەك بويىنشا جەر سىلكىنىسىنەن سۋريگاو قالاسىنىڭ عيماراتتارى مەن قۇرىلىستارى زارداپ شەككەن. تۇرعىن ۇيلەر مەن اۋەجاي زاقىمداندى. سۋنامي قاۋپى جايلى حابارلانعان جوق.
