07:46, 13 - اقپان 2017 | GMT +5
جاپپاي ۋلانۋ جاعدايىنان سوڭ گامبۋرگ اۋەجايىندا جۇمىس قايتا جانداندى
استانا. قازاقپارات - نەمىستەردىڭ گامبۋرگ قالاسىنداعى گەلمۋت شميدت اتىنداعى اۋەجايى بەلگىسىز زاتتان ۋلانۋ جاعدايىنان سوڭ جۇمىسىن قايتا جانداندىردى، دەپ حابارلايدى ر ي ا نوۆوستي جەرگىلىكتى پوليتسياعا سىلتەمە جاساپ.
وسىعان دەيىن اۋەجاي عيماراتىنىڭ وندا كەلۋشىلەر ءۇشىن اشىق ەكەنى حابارلانعان بولاتىن. «گامبۋرگ اۋەجايىندا اۋە قاتىناسى قالپىنا كەلدى»، - دەلىنگەن پوليتسيانىڭ تيۆتتەردەگى حابارلاماسىندا.
گامبۋرگ اۋەجايىندا بەلگىسىز زاتتىڭ تاراۋىنا بايلانىستى جەكسەنبى كۇنى 52 دەن كەم ەمەس ادام ۋلاندى. جۇزدەگەن ادام شۇعىل تۇردە اۋەجاي عيماراتىن تاستاپ شىعۋعا ءماجبۇر بولدى. اۋەجايعا كەلۋشىلەر تىنىس الۋ جولدارىنىڭ اۋىرعاندىعىنا شاعىمداندى. ءورت قىزمەتى وكىلىنىڭ وسىعان دەيىن حابارلاۋىنشا، اۋەجايعا بەلگىسىز زات اۋا باپتاعىش قۇرىلعىلارىنىڭ ىستەن شىعۋىنا بايلانىستى تاراۋى مۇمكىن.
