01:29, 13 - اقپان 2017 | GMT +5
قوستانايلىق تۇرعىن تاكسيدىڭ اقشاسىن تولەمەگەن قىزدى قورلاعان
استانا. قازاقپارات - قوستانايدا 34 جاستاعى تاكسي جۇرگىزۋشىسى اقشاسىن تولەمەگەن جولاۋشىنى جاسىل دارىمەن جۋىندىرعان.
بۇل تۋرالى alau.kz سايتى حابارلايدى.
ءوزىن مۇرات دەپ تانىستىرعان جۇرگىزۋشى اقشاسىن تولەمەگەن بويجەتكەندى جاسىل دارىمەن (زەلەنكا) جۋىندىرىپ، ونى ءوزى ۆيدەوعا تۇسىرەدى.
جولاۋشى قىزعا «مەن بۇدان بىلاي تاكسيشىلەردى الدامايمىن» دەپ ايتقىزعان كولىك جۇرگىزۋشىسى بۇل جازبانى عالامتورعا شىعارىپ جىبەرگەن.
وسى وقيعاعا بايلانىستى 1982-جىلى تۋعان قالا تۇرعىنى ۇستالىپ، ءىس قوزعالىپ جاتىر.
