قازاق بوكسشىسىنىڭ قارسىلاسى انىقتالدى

استانا. قازاقپارات - قازاق كاسىپقوي بوكسشىسى ماديار اشكەيەۆتىڭ كەلەسى قارسىلاسى انىقتالدى، دەپ حابارلايدى قازاقپارات ءتىلشىسى.

 

بۇل تۋرالى اشكەيەۆ ءوزىنىڭ «ۆكونتاكتە» جەلىسىندە رەسمي تۇردە جاريالادى. ول الداعى جەكپە-جەگىن 34 جاستاعى امەريكالىق بوكسشى شون كەمەرونعا قارسى وتكىزبەك.

قارسىلاسى كاسىپقوي بوكسقا 2012-جىلى بەت بۇرعان ەكەن. قازىرگە دەيىن 12 كەزدەسۋ وتكىزىپ، 10 جەكپە-جەكتە جەڭىسكە جەتىپ (ونىڭ 5 نوكاۋتپەن اياقتاعان)، ەكى كەزدەسۋىندە قارسىلاسىنا جول بەرگەن.

ال ماديار اشكەيەۆ ءوز مانسابىندا جەتى رەت شارشى الاڭعا شىعىپ، بارلىعىن دا دا جەڭىسكە قول جەتكىزگەن. ونىڭ ۇشەۋىن نوكاۋتپەن اياقتاعانى بەلگىلى. كەزدەسۋ 15- ساۋىردە ا ق ش- تىڭ سولتۇستىك-شىعىسىنداعى كوننەكتيكۋتتە وتەدى. جەكپە-جەك 8- راۋندقا جوسپارلانعان. كاسىپقوي بوكستاعى مانسابىن 2015-جىلى باستادى. «Main Events» پروموۋتەرلىك كومپانياسىنىڭ ۇيىمداستىرۋىمەن جەكپە-جەكتەرگە قاتىسىپ كەلەدى.

اۆتور: كۇنسۇلتان وتارباي