14:39, 12 - اقپان 2017 | GMT +5
سولتۇستىك كورەيا بالليستيكالىق زىمىران ۇشىردى
استانا. قازاقپارات - سولتۇستىك كورەيا بالليستيكالىق زىمىران ۇشىردى. بۇل تۋرالى وڭتۇستىك كورەيالىق رەسمي ب ا ق- تارعا سىلتەمەمەن BBC حابارلادى.
يونحاپ اقپارات اگەنتتىگىنىڭ مالىمەتى بويىنشا، قانداي تۇرگە جاتاتىنى انىقتالماعان زىمىران جاپون تەڭىزىنە قاراي ورنالاسقان پحەنان-پۋكتو پروۆينتسياسىنداعى اۋە بازاسىنان ۇشىرىلعان. رەيتەر اگەنتتىگىنىڭ حابارلاۋىنشا، وڭتۇستىك كورەيالىق اسكەريلەر ونىڭ ۇشۋ جولىن باقىلاپ وتىرعان جانە زىمىران 500 شاقىرىم جەرگە دەيىن ۇشقان.
قازىرگى ۋاقىتتا زىمىراننىڭ ۇشىرىلۋ وقيعاسى ا ق ش- تا زەرتتەلىپ جاتىر. ك ح د ر باسشىسى كيم چەن ىن 1- قاڭتارداعى تەلەۇندەۋى كەزىندە كونتينەنتارالىق بالليستيكالىق زىمىرانداردى جاساۋدىڭ سوڭعى كەزەڭىن باستاعانىن ايتقان بولاتىن.
