بۇگىن الماتىدا سپورتشىلاردى ازيا ويىندارىنا شىعارىپ سالۋ ءراسىمى ءوتتى

استانا. قازاقپارات -   بۇگىن الماتىدا بالۋان شولاق ستاديونىندا قازاقستاندىق سپورتشىلاردى  VIII قىسقى ازيا ويىندارىنا شىعارىپ سالۋ ءراسىمى ءوتتى، دەپ حابارلايدى قازاقپارات ءتىلشىسى.

وتاندىق سپورتشىلارعا ۇلتتىق شتتاتىق كوماندالار جانە سپورتتىق رەزەرۆ ديرەكتسياسىنىڭ ديرەكتورىنىڭ ورىنباسارى الەكسەي كريۋچكوۆ ساتتىلىك تىلەدى. سالتاناتتى شارادا ەلىمىزدىڭ تۋى شاڭعىشى ەردوس احمەتوۆقا تابىستالدى. ول ساپپوروداعى  VIII  ازيا ويىندارىنىڭ اشىلۋى سالتاناتىندا تۋىمىزدى الىپ جۇرەدى.

 ەستەرىڭىزگە سالا كەتەيىك، بۇعان دەيىن ەردوس سوچي وليمپياداسى كەزىندە ەلىمىزدىڭ تۋىن الىپ شىققان بولاتىن.

جاپونيانىڭ ساپپورو قالاسىنداعى ازيا ويىندارى 19-26 اقپان ارالىعىندا وتەدى. قازاقستاندىق دەلەگاتسيا 116 سپورتشىنى قۇراپ وتىر. ولار سپورتتىڭ بارلىق 11 تۇرىنەن سايىسقا ءتۇس ەدى.

اۆتور: كۇنسۇلتان وتارباي