گولوۆكين سوققىسىنىڭ قانشالىقتى قۋاتتى ەكەندىگىن پاش ەتتى - كەسكىن

استانا. قازاقپارات - WBA (Super), IBO, WBC جانە IBF تۇجىرىمدارى بويىنشا ورتا سالماقتا الەم چەمپيونى گەننادي گولوۆكين (36-0, 33 ك و) ا ق ش- تا اشىق جاتتىعۋ وتكىزدى.

وندا جەرلەسىمىزدىڭ امەريكالىق دەنيەل دجەيكوبسپەن كەزدەسۋىنە دايىندىعى كورسەتىلدى، دەپ جازادى ۆەستي. ك ز.

ءمالىم بولعانداي، سپاررينگ-ارىپتەس رەتىندە گولوۆكين اۋىر سالماقتاعى بوكسشىلاردى تاڭدايدى ەكەن.

«ونىڭ سوققىسى قاتتى. بەينە ءبىر اۋىر سالماقتاعى بوكسشى ۇرعانداي سوققى جاساي الادى. بۇل ءازىل ەمەس»، - دەيدى سونداي كومەكشىلەرىنىڭ ءبىرى.

گولوۆكين رينگتە باپكەرى ابەل سانچەسپەن جاتتىعۋ جاساپ، سوققىسىنىڭ قانشالىقتى قۋاتتى ەكەندىگىن پاش ەتتى. ەسكە سالا كەتەيىك، گولوۆكين-دجەيكوبس كەزدەسۋى 18- ناۋرىز كۇنى نيۋ-يوركتەگى Madison Square Garden ستاديونىندا وتەدى. جەكپە-جەكتى «قازاقستان» جانە KazSport ارنالارى ترانسلياتسيالايدى.