11:57, 11 - اقپان 2017 | GMT +5
قىتايلىق شەنەۋنىكتەر جالقاۋلىقپەن كۇرەس تۋرالى جيىندا ۇيىقتاپ قالدى
استانا. قازاقپارات - قىتايدىڭ حۋبەي پروۆينتسياسىندا التى شەنەۋنىك جالقاۋ مەملەكەتتىك قىزمەتشىلەردى ىنتالاندىرۋ تاسىلىنە ارنالعان ماجىلىستە ۇيىقتاپ قالعانى ءۇشىن جازالاندى، دەپ حابارلادى Ecns.cn پورتالى.
وقيعا سيانيان وكرۋگىندە ورىن الدى. ۇيىقتاپ قالعانداردىڭ ءبىرى - قىتاي كوممۋنيستىك پارتياسىنىڭ قالالىق جوسپارلاۋ بيۋروسى حاتشىسىنىڭ ورىنباسارى. ەكىنشىسى از قامتىلعان ازاماتتارعا تۇرعىن ءۇي الاڭىن سۋبسيديالايتىن قور ديرەكتورىنىڭ ورىنباسارى. تارتىپتىك بيۋرو ولار كوپشىلىك الدىندا كەشىرىم سۇراپ، قالالىق كوميتەتكە ءوزىن-ءوزى سىناۋ حاتىن جىبەرۋى ءتيىس دەپ شەشتى.
