اقىن، قوعام قايراتكەرى ولجاس سۇلەيمەنوۆ وڭتۇستىك قازاقستانعا باردى

شىمكەنت. قازاقپارات - وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ اقىن، قوعام قايراتكەرى ولجاس سۇلەيمەنوۆ جانە قازاق ۇلتتىق اگرارلىق ۋنيۆەرسيتەتىنىڭ رەكتورى، اكادەميك تىلەكتەس ەسپولوۆپەن كەزدەستى، دەپ حابارلايدى قازاقپارات ح ا ا ءتىلشىسى. كەزدەسۋ بارىسىندا وبلىس اكىمى ايماقتىڭ ەكونوميكالىق جاعدايىن، مادەنيەت، رۋحانيات سالاسىنداعى اتقارىلعان جۇمىستاردى ءسوز ەتتى.

«ءسىزدىڭ ەلىمىزدىڭ رۋحانيات سالاسىنا سىڭىرگەن ەسەلى ەڭبەگىڭىز بەن شىعارماشىلىعىڭىز بولاشاق زيالى قاۋىم مەن بۇگىنگى جاستارعا ۇلكەن ونەگە. ەلباسى ءسىزدىڭ ەرەن ەڭبەگىڭىزدى ەرەكشە باعالاپ، 80 جىلدىق مەرەيتويىڭىزدا «قازاقستاننىڭ ەڭبەك ەرى» التىن جۇلدىزىمەن ماراپاتتاعانىن بىلەمىز. بۇل سىزگە كورسەتىلگەن لايىقتى قۇرمەت پەن باعا دەپ بىلەمىن. ءسىز قازاق زيالىلارىنىڭ كوشىن باستاپ وتىرعان تۇلعالارىمىزدىڭ ءبىرىسىز. سوندىقتان ءسىزدىڭ وڭتۇستىككە ات باسىن بۇرۋىڭىزعا ەرەكشە قۋانىشتىمىن»، - دەدى جانسەيىت قانسەيىت ۇلى. ءوز كەزەگىندە اقىن ولجاس سۇلەيمەنوۆ وبلىس اكىمىنىڭ ىستىق ءىلتيپاتىنا العىس ءبىلدىردى. سونداي-اق ەلىمىزدەگى مادەنيەتكە قولداۋ ءبىلدىرىپ، ادەبيەتتى دامىتۋ، تاتۋلىق پەن ازاماتتىق كەلىسىمدى نىعايتۋ ماقساتىندا قوعامدىق جۇمىستاردىڭ ماڭىزدى ءرول اتقاراتىندىعىن تىلگە تيەك ەتتى.

«وڭتۇستىك مەن ءۇشىن ورنى ەرەكشە ولكە. مۇنداعى حالىقتىڭ ىستىق ىقىلاسى جان جادىراتادى. جەرى شۇرايلى، ەلى شىرايلى ولكەنىڭ دامۋ قارقىنى باسەڭدەمەي، وركەندەي تۇسەتىنىنە كامىل سەنىمدىمىن. جۇمىستارىڭىزعا تابىس، ەڭبەكتەرىڭىزگە جەمىس تىلەيمىن»، - دەدى اقىن. ولجاس سۇلەيمەنوۆ وڭتۇستىككە جاساعان ساپارى باراسىندا وبلىس جاستارىمەن جۇزدەسىپ، عالىمدار مەن زيالى قاۋىم وكىلدەرىمەن كەزدەسۋدى جوسپارلاپ وتىر.

اۆتور: اينۇر اقبايەۆا