جاڭا ايفوندى سىمسىز قۋاتتاندىرۋعا بولادى
ساراپشى جاڭا تەحنولوگيانىڭ قالاي جۇزەگە اسىرىلاتىنىن ازىرگە قۇپيا قالدىرىپ وتىر، الايدا مۇنداي فۋنكسياسى بار جاڭا ايفوندار 2017 -جىلى ساتىلىمعا شىعاتىنىن اتاپ ءوتتى.
Apple اقىلدى ساعاتتارىندا سىمسىز قۋاتتاۋ فۋنكسياسى بۇرىننان بار ەكەنىن بەلگىلى، سوندىقتان، سمارتفونداردا وسىنداي وپتسيانىڭ پايدا بولۋى شىندىققا جاناسىمدى بولىپ تابىلادى. سونىمەن قاتار، وتكەن جىلى Bloomberg كومپانيانىڭ گادجەتتەردى قاشىقتىقتان قۋانتتاندىرۋ تەحنولوگياسىن ازىرلەپ جاتقانىن حابارلاعان بولاتىن.
تاياۋدا عانا مين-چي كۋو 2017 -جىلى Apple سمارتفونداردىڭ ءۇش ۇلگىسىن شىعاراتىنىن مالىمدەگەن ەدى. ونىڭ بولجامىنا سايكەس، iPhone-نىڭ جاڭا ۇلگىلەرىندە بىردەن 5,5 ديۋيمدى ەكى نۇسقا شىعارىلادى، ولاردىڭ ايىرماشىلىعى: بىرىندە LCD- ديسپلەي بولسا، ەكىنشىسىندە OLED- ەكران قولدانىلاتىن بولادى.
ەكى نۇسقا دا كامەرالاردىڭ قوس مودۋلىمەن، ال iPhone 8 4,7 ديۋيمدى LCD- ەكرانمەن جانە قاراپايىم فوتومودۋلمەن جابدىقتالادى.
سونىمەن قاتار، قاۋىپسىزدىكتى قامتاماسىز ەتۋ ءۇشىن وزىق بيومەتريالىق تەحنولوگيالار ازىرلەنۋ ۇستىندە. Apple كومپانياسىنىڭ جاڭا سمارتفوندار مەن پلانشەتتەرىندە بۇرىنعى Touch ID ورنىنا ولاردىڭ يەلەرىن بەت-ءجۇزى بويىنشا تانىپ، سايكەستەندىرۋ قولدانىلاتىن بولادى.
