ۇشاق جولاۋشىلار اۆتوبۋسىمەن سوقتىعىستى

استانا. قازاقپارات - ىستامبۇلدىڭ اتاتۇرىك اۋەجايىندا Airbus 321 جولاۋشىلار ۇشاعى اۆتوبۋسپەن سوقتىعىستى، دەپ حابارلايدى Airlive.

وقيعا كەشە ورىن العان. گازيانتەپتەن ۇشىپ كەلگەن Turkish Airlines كومپانياسىنىڭ ۇشاعى قونىپ جاتىپ، جولاۋشىلاردى تەرمينالعا الىپ بارا جاتقان اۆتوبۋسپەن سوقتىعىسقان. سونىڭ سالدارىنان ۇشاقتىڭ تۇمسىق بولىگىنىڭ ۇشى مايىسىپ، زاقىمدانعان.

ازىرشە، اۆاريا ناتيجەسىندە زارداپ شەككەندەر تۋرالى مالىمەتتەر جوق.

ايتا كەتۋ كەرەك، Turkish Airlines كومپانياسى بۇل Airbus 321 ۇشاعىن جاقىندا عانا ساتىپ العان ەكەن. ۇشاق وتكەن ايدان باستاپ اۋە رەيستەرىن ورىنداۋعا كىرىسكەن.

 

دەرەككوزى: Lenta.ru