نۇرسۇلتان نازاربايەۆ ەكونوميكانى جاڭعىرتۋ جونىندە كەڭەس وتكىزدى

استانا. قازاقپارات - قازاقستان پرەزيدەنتى نۇرسۇلتان نازاربايەۆتىڭ توراعالىعىمەن ەكونوميكانىڭ جەدەلدەتىلگەن تەحنولوگيالىق جاڭعىرتىلۋىنىڭ ماسەلەلەرى جونىندەگى كەڭەس ءوتتى، دەپ حابارلايدى اقوردانىڭ باسپا ءسوز قىزمەتىنەن.

كەڭەسكە پرەمەر-مينيستر، ۇلتتىق بانك ءتوراعاسى، ۇكىمەت مۇشەلەرى، استانا قالاسىنىڭ اكىمى، ۇلتتىق حولدينگتەر جانە كومپانيالار، سونداي-اق ەلىمىزدىڭ جەتەكشى كاسىپورىندارىنىڭ باسشىلارى قاتىستى. جيىن بارىسىندا مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىنىڭ ءبىرىنشى باسىمدىعى رەتىندە اتالعان ەكونوميكانىڭ جەدەلدەتىلگەن جاڭعىرتىلۋى جونىندەگى شارالار تالقىلاندى. سونداي-اق، سيفرلىق تەحنولوگيالاردى قولدانا وتىرىپ، جاڭا يندۋستريانى دامىتۋ جانە بازالىق سالالاردى تەحنيكالىق قايتا جاراقتاندىرۋدىڭ كەشەندى شارالارىن ازىرلەۋ ماسەلەلەرى قاراستىرىلدى. قازاقستان پرەزيدەنتى كەڭەس قورىتىندىسى بويىنشا ءبىرقاتار ناقتى تاپسىرما بەردى.