بىشكەك تۇبىندە قۇلاعان ۇشاق قازاقستاندا ساقتاندىرىلعان بولىپ شىقتى
«اۋە ۇشاعى «ەۋرازيا» ساقتاندىرۋ كومپانياسىندا ساقتاندىرىلعان، ول قازىر ساقتاندىرۋ وقيعاسى تۋرالى حابارلاما الدى. ساقتاندىرۋشىلار مەن لوسس-ادجاستەرلەر زارداپ شەككەن ءاربىر تاراپقا قانشا قاراجات تولەۋلەرى ءتيىس ەكەندىكتەرىن ساناپ جاتىر. ساقتاندىرۋشىلار تەك ۇشاقتىڭ ءوز قۇنىن وتەۋگە كەمىندە 38 ميلليون دوللاردى شىعىنداۋى ىقتيمال. بۇل تەك الدىن الا سوما»، - دەپ حابارلادى ساقتاندىرۋ كومپانياسىنان.
ساقتاندىرۋ كەلىسىم-شارتى بويىنشا، ۇشاق قانا ەمەس، سونىمەن قاتار ۇشاق يەلەرىنىڭ ازاماتتىق-قۇقىقتىق جاۋاپكەرشىلىگى مەن ولاردىڭ ءۇشىنشى تۇلعالارعا قاتىستى جاۋاپكەرشىلىگى دە ساقتاندىرىلعان.
«ەگەر اتالمىش وقيعا كەلىسىم-شارتتا كورسەتىلگەن قاۋىپ-قاتەرلەردىڭ بىرىنەن ورىن العان بولسا، ساقتاندىرىلعان تاراپ ءتيىستى قۇجاتتاردى دەر ۋاقىتىندا تاپسىرعان جاعدايدا، «ەۋرازيا» ساقتاندىرۋ كومپانياسى زارداپ شەككەن تاراپقا ساقتاندىرۋ تولەمىن قىسقا ۋاقىتتىڭ ىشىندە جۇرگىزۋگە دايىن»، - دەپ اتاپ وتەدى كومپانيا.
ەسكە سالا كەتەيىك، 16- قاڭتاردا گونكونگتان ىستانبۇلعا اتتانعان Boeing-747 ۇشاعى بىشكەك تۇبىندە قۇلاپ، بىرنەشە ءۇيدى قيراتىپ كەتكەن بولاتىن. اپات سالدارىنان 39 ادام قازا تاپتى. اۆتور: جاسۇلان جولدىبايەۆ
