ساپپورودا قازاقستان تۋىن كوتەرۋ ءراسىمى وتەتىن كۇن بەلگىلى بولدى

استانا. قازاقپارات - جاپونيانىڭ ساپپورو قالاسىنداعى Ⅷ  قىسقى ازيا ويىندارى اياسىندا قازاقستان رەسپۋبليكاسىنىڭ تۋىن كوتەرۋ ءراسىمى وتەتىن كۇن بەلگىلى بولدى، دەپ حابارلادى قازاقپارات ءتىلشىسى.

قىسقى ازيادا ويىندارى بارىسىندا 17- اقپان كۇنى جەرگىلىكتى ۋاقىت بويىنشا ساعات 10:00 دە اتلەتيكالىق قالاشىقتا قازاقستان رەسپۋبليكاسىنىڭ تۋىن كوتەرۋ ءراسىمى وتەدى. ال VIII قىسقى ازيدا ويىندارىنىڭ سالتاناتتى اشىلۋ ءراسىمى 19- اقپان كۇنى كەشكى ساعات 16:00 دە وتەدى دەپ جوسپارلانعان. سونداي-اق، جارىستىڭ جابىلۋ ءراسىمى 26- اقپان كۇنى كەشكى ساعات 18:00 دە باستالادى.

ەستەرىڭىزگە سالا كەتەيىك، VIII قىسقى ازيدا ويىندارى جاپونيانىڭ ساپپورو قالاسىندا 19-26- اقپان ارالىعىندا وتەدى. وعان 31 ەلدەن كەلگەن سپورتشىلار 11 سپورت ءتۇرى بويىنشا جۇلدەلى ورىندارعا تالاسادى.

اۆتور: كۇنسۇلتان وتارباي