مەملەكەتتىك حاتشى قازاقستان ەلشىسىن جازالاۋعا قاتىستى پىكىر ءبىلدىردى
«بۇل - مەملەكەتتىك قىزمەت تۋرالى زاڭنىڭ، مەملەكەتتىك قىزمەتكەرلەردىڭ ەتيكاسىنىڭ بۇزىلۋى. قورىتىندى شەشىم جاسالعان كەزدە، ق ر س ءى م قوسىمشا حابارىن بەرەدى»، - دەدى ول بۇگىن استانادا وتكەن كونفەرەنتسيادان سوڭ، تىلشىلەرگە بەرگەن سۇحباتىندا.
ايتا كەتەيىك، كەشە استانادا مەملەكەتتىك حاتشى گۇلشارا ءابدىقالىقوۆانىڭ توراعالىعىمەن قازاقستان رەسپۋبليكاسىنىڭ پرەزيدەنتى جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيا وتىرىسى ءوتتى.
وتىرىستا قازاقستان رەسپۋبليكاسىنىڭ پولشاداعى توتەنشە جانە وكىلەتتى ەلشىسى ا. ابيبۋللايەۆتى مەملەكەتتىك قىزمەت تۋرالى زاڭنامانى بۇزعانى ءۇشىن تارتىپتىك جاۋاپكەرشىلىككە تارتۋ تۋرالى ماسەلە قارالدى.
كوميسسيا وتىرىسىنىڭ قورىتىندىسى بويىنشا ا. ابيبۋللايەۆقا قىزمەتكە سايكەستىگىنىڭ تولىق ەمەستىگى تۋرالى ەسكەرتۋ تۇرىندەگى تارتىپتىك جازا قولدانۋ جونىندە مەملەكەت باسشىسىنا ۇسىنىس ەنگىزۋ شەشىم قابىلداندى.
اۆتور: جاسۇلان جولدىبايەۆ
