قانات يسلام قازاقتىڭ جاس بوكسشىلارىن ءوز كومانداسىنا شاقىردى

استانا. قازاقپارات - كاسىپقوي بوكسشى قانات يسلام ۆيدەو ۇندەۋ جاساپ، قازاق بوكسشىلارىن كومانداسىنا شاقىردى، دەپ حابارلايدى قازاقپارات.

ول "قازاق" كومانداسىنا اۋىر سالماقتاعى بوكسشىمىز رۋسلان مىرساتايەۆتىڭ دا قوسىلعانىن حابارلادى. قازىر رۋسلان ا ق ش- تا قانات يسلاممەن بىرگە ءبىر زالدا جاتتىعۋ جاساۋدا.

 «مىنە بۇگىن Kazakh team كومانداسىنا رۋسلان مىرساتايەۆ كەلىپ قوسىلدى. ا ق ش- تاعى ورتامىز تاعى ءبىر قازاققا كوبەيدى. امەريكاداعى Kazakh team كومانداسى قازاقتاردى الەمگە تانىتۋدى ماقسات ەتىپ وتىر. قازاقتىڭ جاستارى، قازاقتىڭ باتىرلارى كەلىڭدەر، ءبىزدىڭ كومانداعا قوسىلىڭدار! قازاقتىڭ تۋىن بىرگە كوتەرەيىك، العا قازاقستان!» - دەدى ۆيدەو جولداۋىندا قانات يسلام.

 ۆيدەونى جەلىگە قانات يسلامنىڭ اقپاراتتىق كومەكشىسى بەرىك سۇلتان جۇكتەدى.

ەستەرىڭىزگە سالا كەتەيىك، قانات يسلام 17 - اقپاندا برازيليالىق روبسون اسسيسپەن جۇدىرىقتاسادى. قازىر قىزۋ دايىندالىپ جاتىر. جەكپە- جەكتى "قازاقستان" ارناسى تىكەلەي ەفيردەن كورسەتەدى دەپ جوسپارلانۋدا.

 اۆتور: ريزابەك نۇسىپبەك ۇلى