بياتلونشىلارىمىزعا قاتىستى سىرتتاي تون پىشپەي، كۇتە تۇرايىق - فەدەراتسيا باس حاتشىسى
«قۇرمەتتى ارىپتەستەر، سىرتتاي تون پىشپەي، كۇتە تۇرايىق. اسىعىس شەشىم جاساۋدىڭ قاجەتى جوق. تەكسەرىستىڭ رەسمي ناتيجەسىن كۇتەيىك. اۆستريانىڭ فەدەرالدى پوليتسياسى قازاقستان سپورتشىلارىنان الىنعان بارلىق سىنامالار مەن پرەپاراتتاردىڭ ساراپتاماعا جىبەرىلگەنىن حابارلادى»، - دەپ جازدى ۇسەنوۆ ءوزىنىڭ فەيسبۋك جەلىسىندەگى پاراقشاسىندا.
ايتا كەتەيىك، اۆسترياداعى چەمپيوناتقا قاتىسىپ جاتقان قازاقستاندىق بياتلونشىلار دوپينگ قولداندى دەگەن كۇدىك بار. جەرگىلىكتى بۇقارالىق اقپارات قۇرالدارىنىڭ حابارلاۋىنشا، قاڭتاردىڭ 23 ءى كۇنى ينتسەل قالاسىنداعى جانار-جاعارماي قۇيۋ بەكەتتەرىنىڭ بىرىندە مەديتسينالىق پرەپاراتتارعا تولى قوراپ تابىلدى. سونىڭ ىشىنەن قازاقستان قۇراماسىندا ىستەيتىن مەديتسينا قىزمەتكەرىنىڭ اككرەديتاتسيالىق كارتوچكاسى شىقتى. بارلىق زاتتار وسى ەلدىڭ دوپينگكە قارسى ۇلتتىق اگەنتتىگىنە تاپسىرىلدى.
