بياتلوننان قازاقستان قۇراماسى دوپينگ قولداندى دەپ كۇدىكتەلۋدە

استانا. قازاقپارات - حوحفيلتسەندە اۆستراليالىق پوليتسيا بياتلوننان قازاقستان قۇراماسى تۇرىپ جاتقان جەردى ءتىنتىپ، كوپتەگەن مەديتسينالىق قۇرىلعىلار مەن تىيىم سالىنعان فارماكولوگيالىق ءدارى-دارمەكتەر تاپتى.

تابىلعان زاتتار تاركىلەنىپ، دەرەك بويىنشا تەرگەۋ جۇمىستارى باستالدى، دەپ حابارلايدى قازاقپارات Sports.kz سايتىنا سىلتەمە جاساپ.

تابىلعان دارىلىك زاتتار مەن قۇرالدار اۆستريانىڭ ۇلتتىق دوپينگكە قارسى اگەنتتىگىنە (NADA اۆستريا) تاپسىرىلدى.

قۇجاتتار مەن قولمەن جازىلعان قاعازدارعا جۇرگىزىلگەن ساراپتاما نەگىزىندە، قوراپتار مەن ونداعى زاتتاردىڭ بياتلوننان قازاقستاننىڭ ۇلتتىق قۇراماسىنا تيەسىلى ەكەندىگىن توپشىلاۋعا بولادى. قازاقستان بياتلون فەدەراتسياسىنىڭ باس حاتشىسى ماناس ۇسەنوۆتىڭ ايتۋىنشا، اۆستريانىڭ فەدەرالدى پوليتسياسى وسى ەلدە تابىلعان ءدارى-دارمەكتەردىڭ قازاقستاننىڭ بياتلون قۇراماسىنا تيەسىلى ەكەندىگى تەكسەرىلىپ جاتقاندىعىن حابارلاعان.

قازىرگى تاڭدا ولاردىڭ تىيىم سالىنعان دارىلەر ەكەندىگىن ايتۋ ازىرگە ەرتە. «اۆستريا فەدەرالدىق پوليتسياسى باسپا ءسوز ءماسليحاتىندا مالىمدەگەندەي، انتحولتس ماڭىندا مەديتسينالىق ءدارى-دارمەكتەردىڭ قالدىقتارى بار قوراپتار تابىلعان. ءدال سول جەردەن قازاقستان قۇراماسى دارىگەرىنىڭ اككرەديتاتسياسى تابىلدى.

كەشە قوناق ۇيدە ءبىزدىڭ كوماندانى ءتىنتىدى. دارىگەردىڭ مەديتسينالىق ءدارى-دارمەكتەرى تاركىلەندى. ءبىراق، بىزدە بارلىق ءدارى-دارمەكتەردىڭ رۇقساتى بار. سونداي-اق، پوليتسيا قازىرگى تاڭدا تابىلعان زاتتاردىڭ تەكسەرىلىپ جاتقاندىعىن مالىمدەدى. ولاردىڭ تىيىم سالىنعاندىعى نەمەسە جوقتىعىن، ساراپتاما كورسەتەدى. ءبىزدىڭ كوماندا دوپينگ جانە د ن ك تەستىن تاپسىردى. ەندى ساراپتاما ناتيجەسىن كۇتۋدەمىز. اۆستريانىڭ دوپينگ اگەنتتىگى قوراپتاردا تابىلعان ءدارى-دارمەكتەردىڭ ساراپتاماسىن الدى. قازىرگى تاڭدا ناتيجەسى تۋرالى اقپاراتتى كۇتەمىز»، - دەدى ق ر بياتلون فەدەراتسياسىنىڭ باس حاتشىسى.