سەرجانتتاردى جاڭا باعدارلاما بويىنشا وقىتادى

استانا. قازاقپارات - قورعانىس مينيسترلىگىنە قاراستى كادەت كورپۋسىنىڭ بازاسىندا اسكەردەگى ۆزۆود سەرجانتتارىنىڭ بىلىكتىلىگىن ارتتىرۋ كۋرستارى وتۋدە.

قازىرگى كەزدە 40 تان استام سەرجانت وقۋدا، ءتۇرلى بۋىن بويىنشا اتالعان كۋرستا جالپى 500 سەرجانتتى وقىتۋ جوسپارلانىپ وتىر، دەپ حابارلايدى ق ر ق م باسپا ءسوز قىزمەتى.

وقىتۋ كۋرسىنىڭ مەرزىمى ءبىر اي. وسى ۋاقىت ارالىعىندا ۆزۆود سەرجانتتارى كاسىبي دەڭگەيىن، بىلىكتىلىگىن ارتتىرىپ، اتقاراتىن لاۋازىمى اۋقىمىندا اسكەري ءبىلىمى مەن ماشىقتانعان داعدىلارىن تولىقتىرۋى ءتيىس.

قارۋلى كۇشتەردىڭ باس سەرجانتى - ق ر ق ك ب ش سەرجانتتار قۇرامىمەن جۇمىس جونىندەگى باسقارماسىنىڭ باستىعى شەبەر-سەرجانت تەمىربەك حالىقوۆ اتاپ وتكەندەي، ۇستىمىزدەگى جىلى ۆزۆود سەرجانتتارىنىڭ كۋرسى جاڭا، جەتىلدىرىلگەن باعدارلاما ارقىلى جۇرگىزىلەدى. باعدارلاماعا سەرجانتتار كورپۋسىنىڭ قۇرىلۋى مەن دامۋى، جەتەكشىلىك ەتۋ، كەڭەس بەرۋ، دايارلىق ادىستەمەسى مەن ساباقتار جۇرگىزۋ جانە باسقا دا تاقىرىپتار ەنگىزىلدى.

كاسىبي ارميا احۋالى جالپى ەلىمىزدىڭ قارۋلى كۇشتەرىن ءارى قاراي دامىتۋدىڭ باسىم باعىتتارىنىڭ ءبىرى بولىپ تابىلاتىندىقتان وقىتۋ باعدارلاماسى سەرجانتتار كورپۋسىنىڭ وكىلدەرىن جان-جاقتى دامىتۋعا ارنالدى. اتالعان كۋرستىق دايارلىق اسكەري قىزمەتشىلەردى كاسىبي تۇرعىدا وقىتۋ ءتۇرى بولىپ سانالادى.

بۇگىنگى تاڭدا قارۋلى كۇشتەردىڭ سەرجانتتار كورپۋسى ءۇشىن: سەرجانتتاردىڭ بازالىق كۋرسىنان باستاپ روتا، باتارەيا، باتالون مەن ديۆيزيون، شتاب، بريگادا، بازا جانە پولك سەرجانتتارىنىڭ كۋرستارىنا دەيىنگى 7 دەڭگەي قاراستىرىلعان. وقىتۋدىڭ بۇل ءتۇرى وقۋ-جاتتىعۋ ورتالىقتارى مەن اسكەري بولىمدەردە، ق ر ق م كادەت كورپۋسىندا جانە جوعارى اسكەري وقۋ ورىندارىندا جۇرگىزىلەدى.