گولوۆكين وڭاشا قالىپ جاتتىعۋعا كىرىستى - كەسكىن

استانا. قازاقپارات - عالامتوردا گەننادي گولوۆكيننىڭ دەنيەل دجەيكوبسپەن جەكپە-جەگىنىڭ الدىنداعى جاتتىعۋى تۇسىرىلگەن ۆيدەو شىقتى.

ءتۇسىرىلىم كاليفورنياداعى Big Bear جاتتىعۋ لاگەرىندە جۇرگىزىلگەن، بۇل سپورتشىنىڭ تۋعان جەرىنە قاتتى ۇقساس، دەپ جازادى ۆكونتاكتە جەلىسىندەگى رەسمي GGG توبى.

WBA (Super)، IBO، WBC جانە IBF نۇسقالارى بويىنشا ورتا سالماقتاعى الەم چەمپيونى قازاقستاندىق گەننادي گولوۆكين (36-0, 33 ك و) ناۋرىز ايىندا Madison Square Garden الاڭىندا وتەتىن امەريكالىق دەنيەل دجەيكوبسپەن (32-1, 29 ك و) كەزدەسۋگە بار كۇشىن سالىپ دايىندالۋدا.

تاۋلى، ءارى اۋاسى تازا وسى جاتتىعۋ لاگەرى كوپتەگەن سپورتشىلاردىڭ كوڭىلىنەن شىعادى. GGG باپكەرى ابەل سانچەستىڭ ايتۋىنشا، Big Bear القابى گولوۆكينگە وڭاشا قالۋعا، دايىندىققا عانا ءمان بەرۋگە قولايلىلىعىمەن سونداي-اق، تابيعاتى قازاقستانعا كەلەتىندىگىمەن ۇنايدى.