ەرلان قارين «قازاقستان» رەسپۋبليكالىق تەلەراديوكورپوراتسياسىنىڭ باسشىسى بولىپ تاعايىندالدى

استانا. قازاقپارات - ق ر اقپارات جانە كوممۋنيكاتسيالار ءمينيسترى داۋرەن ابايەۆ «قازاقستان» رەسپۋبليكالىق تەلەراديوكورپوراتسياسى اكسيونەرلىك قوعامى ۇجىمىنا جاڭا باسشى ەرلان قاريندى تانىستىردى.

«ەرلان تىنىمباي ۇلى بىلىكتى ساياساتتانۋشى، يدەولوگ، ەلىمىزدىڭ شىنايى پاتريوتى رەتىندە كوپشىلىككە جاقسى تانىس ەكەنىنە ەش كۇمانىم جوق. ەندىگى جەردە وعان ەلىمىزدەگى ەڭ ءىرى مەديا قۇرىلىمنىڭ جۇمىسىن ودان ءارى دامىتۋ تاپسىرىلىپ وتىر. ەرلان تىنىمباي ۇلى بۇعان دەيىنگى ىرگەلى شارالاردى ودان ءارى جالعاستىرىپ، كورپوراتسيانى جاڭا دەڭگەيگە كوتەرەدى دەپ سەنەمىن»، - دەپ جازدى د. ابايەۆ ءوزىنىڭ فەيسبۋكتەگى پاراقشاسىندا.

ەرلان قارين 1976 -جىلى 26 -مامىردا وڭتۇستىك قازاقستان وبلىسى، سايرام اۋدانى، اقسۋ اۋىلىندا دۇنيەگە كەلگەن. 1997 -جىلى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن تاريح ماماندىعى بويىنشا بىتىرگەن. 1999 -جىلى ءال-فارابي اتىنداعى قاز ۇ ۋ فيلوسوفيا جانە ساياساتتانۋ فاكۋلتەتىن ءتامامداعان. ساياسات تانۋ عىلىمدارىنىڭ كانديداتى. ەڭبەك جولىن 1996 -جىلى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتى ساياساتتانۋ كافەدراسىندا مۇعالىم بولىپ باستاعان. ءار جىلدارى ە. قارين ساياسي زەرتتەۋلەردىڭ ورتالىق- ازيالىق اگەنتتىگىنىڭ ديرەكتورى، «اسار» رەسپۋبليكالىق پارتياسى ءتوراعاسىنىڭ ءبىرىنشى ورىنباسارى، انتيتەرروريستىك باعدارلامالار ورتالىعىنىڭ باسشىسى، ماڭعىستاۋ وبلىسى اكىمىنىڭ ساياسي ماسەلەلەر جونىندەگى كەڭەسشىسى، ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى، «نۇر وتان» ح د پ ستراتەگيالىق دامۋ جونىندەگى حاتشىسى، قازاقستان ستراتەگيالىق زەرتتەۋلەر ينستيتۋتىنا ديرەكتورى بولىپ قىزمەت اتقارعان.

سونىمەن بىرگە، ەرلان قارين - قازاقستانداعى دجيۋ-دجيتسۋ مەن م م م قۇرمەتتى پرەزيدەنتى. قازاقستاندىق جانە شەتەلدىك عىلىمي جانە مەرزىمدىك باسىلىمداردا جارىق كورگەن 100 استام ماقالالار اۆتورى. «قۇرمەت» وردەنىمەن (2010)، «استاناعا 10 جىل» (2008)، «قازاقستان رەسپۋبليكاسى تاۋەلسىزدىگىنە 20 جىل» (2011)، «قازاقستان رەسپۋبليكاسى قارۋلى كۇشتەرىنە 20 جىل» (2012) مەرەيتويلىق مەدالدارىمەن ماراپاتتالعان.

ەسكە سالا كەتسەك، «قازاقستان ر ت ر ك» ا ق باسقارما ءتوراعاسى قىزمەتىنە 1 -قازان كۇنى تاعايىندالعان كەمەلبەك ويشىبايەۆ ءتورت ايدان كەيىن باسشىلىقتان كەتەتىنىن مالىمدەدى. بۇل شەشىمىن ك. ويشىبايەۆ وقۋ تۋرالى ىسكە اسىرىلماي قالعان ويلاردى جالعاستىرعىم كەلەدى دەپ ءتۇسىندىردى.