19:33, 10 - اقپان 2017 | GMT +5
قىتايعا كەلەتىن شەتەلدىكتەردىڭ ساۋساق ىزدەرى الىناتىن بولادى
بەيجىڭ. قازاقپارات - قىتاي 2017 -جىلدان باستاپ ەلگە كەلەتىن بارلىق شەتەلدىكتەردىڭ ساۋساق ىزدەرىن مىندەتتى تاپسىرۋدى ەنگىزەدى، دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.
ق ح ر قوعامدىق قاۋىپسىزدىك مينيسترلىگىنىڭ سايتىندا حابارلانعانداي، ساۋساق ىزدەرىن 14 تەن 70 جاس ارالىعىنداعى بارلىق شەتەل ازاماتتارى تاپسىراتىن بولادى. تەك، ديپلوماتيالىق ءتولقۇجاتى بار تۇلعالار، ءوزارا ارتىقشىلىعى بار ەلدىڭ ازاماتتارى، سونداي-اق ۆيتسە-مينيستر جانە ودان جوعارى دەڭگەيدەگى تۇلعالاردىڭ دەلەگاتسياسىنا بۇل زاڭ قولدانىلمايدى. جاڭا ەنگىزىلگەن زاڭنامانىڭ اپروباتسياسى 10 -اقپان كۇنى شىنجىن قالاسىنىڭ اۋەجايىنان باستالادى. ارى قاراي بۇل ەرەجە قىتاي شەكاراسىندا ورنالاسقان باسقا دا باقىلاۋ- رۇقساتناما بەكەتتەرىندە قولدانىسقا ەنگىزىلەدى.
