الاگوزوۆتىڭ قىزى مالىمدەمە جاسادى
«سوڭعى ۋاقىتتا بۇقارالىق اقپارات قۇرالدارى مەن الەۋمەتتىك جەلىلەردە بىرەۋلەردىڭ ۇيىمداستىرۋىمەن مەنىڭ ومىرىمە جانە وتباسىما شامادان تىس ءارى جايسىز قىزىعۋشىلىق تانىتىپ وتىر. نازار اۋدارۋلارىڭىزدى سۇرايمىن، 2017 -جىلدىڭ 2 -اقپانىندا "نۇر" اقپارات پورتالىندا "بولاشاق اپالى- سىڭلىلەر ءامينا الاگوزوۆا مەن ايساۋلە باقىتبەك قانداي تۇرمىس كەشىپ جاتىر" دەگەن تاقىرىپپەن ماقالا شىقتى. بۇل ماقالادا جالعان مالىمەت بار، سەبەبى تۇرسىنعالي الاگوزوۆ پەن ليايسيرا الاگوزوۆا بۇگىندە (2017 -جىلدىڭ 8 -اقپانى) نەكەدە مە، جوق پا - تەكسەرىلمەگەن.
قىزمەتتەرىڭىزدە قازاقستان رەسپۋبليكاسىنىڭ "بۇقارالىق اقپارات قۇرالدارى تۋرالى" زاڭىنا سايكەس، شىندىققا جاناسپايتىن مالىمەتتى تاراتپاۋلارىڭىزدى، جەكە تۇلعالاردىڭ زاڭدى مۇددەسىن قۇرمەتتەۋلەرىڭىزدى سۇرايمىن.
قازاقستان رەسپۋبليكاسىنىڭ "بۇقارالىق اقپارات قۇرالدارى تۋرالى" زاڭىنا سايكەس، بۇقارالىق اقپارات قۇرالدارى تۋرالى زاڭداردى بۇزۋ ءۇشىن مەملەكەتتىك ورگانداردىڭ جانە وزگە دە ۇيىمداردىڭ وعان كىنالى لاۋازىمدى ادامدارى، سونداي-اق بۇقارالىق اقپارات قۇرالىنىڭ يەسى، تاراتۋشىسى، باس رەداكتورى (رەداكتورى)، تاراتىلعان حابارلار مەن ماتەريالداردىڭ اۆتورلارى جاۋاپتى بولادى. مەن، الاگوزوۆا ءامينا، سىزدەردەن ءوز ءىسىنىڭ مامانى رەتىندە مەنىڭ قۇندىلىقتارىم - وتباسىما، اتا-اناما، اتىما، ارىم مەن ابىرويىما ءسوز جۇزىندە ەمەس، ءىس جۇزىندە لايىقتى تۇردە قۇرمەتپەن قاراۋلارىڭىزدى سۇرايمىن".
ءامينا الاگوزوۆانىڭ مالىمدەمەسىنىڭ سكرينشوتى
ال وسىعان دەيىن بايان ەسەنتايەۆا مەن تۇرسىنعالي الاگوزوۆتىڭ ۇيلەنەتىنى بەلگىلى بولعان ەدى. Tengrinews.kz تىلشىسىنە بەرگەن سۇحباتىندا ولار ۇيلەنۋ تويىنىڭ كوكتەمدە بولاتىنىن مالىمدەگەن. سونداي-اق، الاگوزوۆ اجىراسۋ ۇستىندە ەكەنىن دە ايتقان. سول كەزدە بايان ەسەنتايەۆا الاگوزوۆا بولعىسى كەلەتىنىن دە مالىمدەگەن ەدى.
