قىتايعا باراتىن شەتەلدىكتەر ساۋساق ءىزىن تاپسىرادى

استانا. قازاقپارات - قىتاي بيلىگى ەل اۋماعىنا كىرەتىن شەتەلدىكتەردىڭ بارلىعىنان ساۋساق ىزدەرىن جينايدى.

بۇگىن ق ح ر قوعامدىق قاۋىپسىزدىك مينيسترلىگى وسىنداي حابار تاراتتى، دەپ حابارلايدى Baq.kz.

جاڭا جۇيە، ەڭ الدىمەن، شنجىن قالاسىنىڭ حالىقارالىق اۋەجايىندا قولدانىسقا ەنگىزىلمەك. 10- اقپاننان باستاپ بۇل اۋەجايدا شەتەلدىكتەردەن ساۋساق ءىزى الىنادى.

ال جىل سوڭىنا دەيىن جاڭا ەرەجە بارلىق شەكارا بەكەتىندە كۇشىنە ەنەدى.

ساۋساق ءىزىن 14 جاستان 70 جاسقا دەيىنگى بارلىق شەتەلدىك ازامات تاپسىرادى. بۇل ساناتقا تەك شەتەلدىك ديپلوماتتار قانا كىرمەيدى ەكەن.

بۇگىندە الەمنىڭ كوپتەگەن ەلىندە ساۋساق ءىزىن تاپسىرۋ تاجىريبەسى كەڭ تارالعان. قىتاي دا الەمدىك تاجىريبەدەن تىس قالمايىق دەگەن سىڭايلى.