ازياداعا قازاق سپورتشىلارىن شىعارىپ سالاتىن كۇن بەلگىلى بولدى
شىعارىپ سالۋ ءراسىمى 11- اقپان كۇنى بالۋان شولاق اتىنداعى سپورت سارايىندا وتەدى. شارا بارىسىندا دەلەگاتسيانىڭ تۋ ۇستاۋشىسىنا مەملەكەتتىك تۋ تاپسىرىلىپ، ونىڭ انت بەرۋى وقىلادى. سونداي-اق، سپورتشىلار مەن باپكەرلەر تىلشىلەر قاۋىمىنىڭ سۇراقتارىنا جاۋاپ بەرەدى.
«2017-جىلى ساپپورودا وتەتىن ازيا ويىندارىنا قاتىساتىن قازاقستان قۇراماسىنىڭ ساپىندا دەنيس تەن، ەليزابەت تۇرسىنبايەۆا (مانەرلەپ سىرعاناۋ)، رومان كرەچ (كونكيمەن جۇگىرۋ سپورتى)، دميتري رەيحەرد (فريستايل) سىندى اتلەتتەر، شايبالى حوككەيدەن ەرلەر جانە ايەلدەر كوماندالارى بار.
VIII قىسقى ازيا ويىندارىنىڭ اشىلۋ سالتاناتىندا قازاقستاننىڭ تۋىن شاڭعىشى ەردوس احماديەۆ ۇستاپ شىعادى. ەستەرىڭىزگە سالا كەتەيىك، VIII قىسقى ازيا ويىندارى ساپپورو قالاسىندا 19-26- اقپان ارالىعىندا وتەدى.
اۆتور: كۇنسۇلتان وتارباي
