ابايەۆ وتاندىق تەلەارنالاردىڭ الدىنا باستى مىندەتتەر جۇكتەدى
دەپ حابارلايدى قازاقپارات.
«ءبىز جۇرگىزگەن الەۋمەتتىك ساۋالناماعا سايكەس جارنامانىڭ كوپتىگى، وڭىرلىك كونتەنتتىڭ بولماۋى، قازاقستان تۋرالى تانىمدىق باعدارلامالاردىڭ جەتكىلىكسىزدىگى جانە قازاقستاندىق تەلەۆيدەنيەدەگى جۋرناليستەردىڭ كاسىبيلىگىنىڭ تومەندىگى حالىقتىڭ كوڭىل تولماۋشىلىعىن تۋىنداتادى. ءبىزدىڭ تەلەارنالار مۇنى بارىنشا بايىپپەن وي ەلەگىنەن وتكىزىپ، كورەرمەننىڭ سەنىمىنە يە بولۋى ءۇشىن قاجەتتى شارالاردى قابىلداۋى ءتيىس. وسى ورايدا تەلەۆيدەنيە مەن راديونى دامىتۋ بويىنشا جۇمىستاردىڭ كەلەسى باسىمدىقتارىنا توقتالعىم كەلەدى»، - دەدى ابايەۆ.
بۇل رەتتە مينيستر ەڭ الدىمەن وتاندىق سەريالداردىڭ شەتەلدىك سەريالدارمەن سالىستىرعاندا باسەكەگە قابىلەتتىلىگىن ارتتىرۋ قاجەتتىگىن باسا ايتتى.
«2017 -جىلى كورسەتىلەتىن سەريال ونىمدەردىڭ كوممەرتسيالىق تەلەارنالاردا دا سانىن ارتتىرۋ جوسپارلانۋدا. سەريالدار نەگىزىندە كينوپروكات قىزمەتىن جۇزەگە اسىرۋ ءۇشىن تولىقمەتراجدى كينوتاسپالار جاسالاتىن بولادى. ەكىنشىدەن، КРІ (باعالاۋ) جۇيەسىن ەنگىزۋ ارقىلى تەلەراديو ارنا قىزمەتكەرلەرىنىڭ بىلىكتىلىگى مەن كاسىبيلىگى جەتىلە تۇسەدى. قىزمەتكەرلەردى كونكۋرستىق ىرىكتەۋ جەتىلدىرىلىپ، كادرلىق رەزەرۆ قالىپتاستىرىلادى»، - دەدى ول.
ۇشىنشىدەن، ونىڭ ايتۋىنشا، وسى جىلدىڭ ناۋرىز ايىندا «ەل ارنا» تەلەارناسى ىسكە قوسىلادى. وندا تەك قازاقستاندىق كوركەم جانە دەرەكتى فيلمدەر، سەريالدار كورسەتىلەدى. بۇل جوبا وتاندىق كينەماتوگرافيانى دامىتۋعا، جاس رەجيسسەرلەر مەن تاۋەلسىز كينوستۋديالاردى قولداۋعا جانە حالىقتىڭ سۇرانىسىن قاناعاتتاندىرۋعا باعىتتالعان.
«تورتىنشىدەن، ءبىز ەلدىڭ شەكارالىق ايماقتارىندا مەملەكەتتىك راديوارنالاردىڭ قامتۋ ايماعىن جانە تاراتۋ ساپاسىن ارتتىراتىن بولامىز. بەسىنشىدەن، تەلەارنالاردى HD فورماتىنا كوشىرۋ جۇمىستارىن جالعاستىرامىز. تەك سودان كەيىن عانا ءبىز جەتەكشى الەمدىك رەسۋرستارمەن شىنايى باسەكەلەس بولا الامىز. التىنشىدان اعىمداعى جىلى ساندىق ەفيرلىك تەلەتاراتۋدى ەنگىزۋ اياسىندا 244 راديوتەلەۆيزيالىق ستانسيا سالىنىپ، پايدالانۋعا بەرىلەدى. جىلدىڭ سوڭىنا دەيىن قازاقستاننىڭ ءبىرقاتار وبلىستارىندا ساندىق تاراتۋعا تولىقتاي كوشۋ جوسپارلانۋدا. اقپارات كوميتەتى ب ا ق سالاسىنداعى مەملەكەتتىك ساياسات دەپارتامەنتىمەن بىرلەسىپ، بارلىق وسى شارالاردىڭ ساپالى ورىندالۋىنا باقىلاۋ جۇرگىزۋى ءتيىس»، - دەدى ابايەۆ.
اۆتور: مارلان جيەمباي
