قازاقپارات - سۇرانىسى ەڭ جوعارى ينتەرنەت رەسۋرس - مينيستر
دەپ حابارلايدى قازاقپارات.
مينيستر وتكەن جىلى مەملەكەتتىك ينتەرنەت رەسۋرستاردىڭ الدىندا بۇگىنگى اۋديتوريانىڭ سۇرانىسىنا ساي كەشەندى ترانسفورماتسيادان ءوتۋ مىندەتى جۇكتەلگەندىگىن باسا اتاپ ءوتتى.
«وتكەن كەزەڭ ىشىندە «قازاقپارات» حالىقارالىق اقپارات اگەنتتىگى ەلىمىزدەگى سۇرانىسى ەڭ جوعارى ۇزدىك ينتەرنەت رەسۋرستاردىڭ قاتارىنا كىردى. ياندەكس مالىمەتتەرىنە سايكەس، 2016 -جىلى «قازاقپارات» سىلتەمە جاسالۋى بويىنشا ءبىرىنشى ورىنعا شىقتى. «قازاقپاراتتىڭ» حالىقارالىق باعىتىن دامىتۋ ماقساتىندا 2017 -جىلى وننان استام شەتەلدىك اگەنتتىكپەن كەلىسىمگە قول قويۋدى جوسپارلاۋدا. ولاردىڭ قاتارىندا رەيتەر، دويچە، پرەسس- اگەنتۋر سىندى اگەنتتىكتەر بار»، - دەدى ول.
سونداي- اق ونىڭ ايتۋىنشا، «قازكونتەنت» ا ق قۇرامىنداعى 6 سايت تا ترانسفورماتسيادان وتكەن. ونىڭ ىشىندە «BNews.kz» پورتالىنىڭ ديزاينى، اقپارات تاراتۋ ءۇردىسى وزگەردى جانە ساراپتاما مەن تالداۋ باعىتىنا كوشتى.
«جالپى «قازكونتەنت» ا ق قۇرامىنداعى 8 سايتتىڭ قولدانۋشىلارى جىل سايىن ءوسىپ كەلەدى. وتكەن جىلى ول 50 ميلليوننان اسىپ جىعىلدى»، - دەدى ابايەۆ.
دەگەنمەن، مينيستر ولارعا مەملەكەت تاراپىنان كورسەتىلىپ وتىرعان قولداۋ شارالارىنا قاراماستان جەكەمەنشىك اقپاراتتىق سايتتار مەن رەسۋرستاردان ارتتا قالىپ وتىرعاندىعىن ايتتى.
«قازاقپاراتقا»، ەڭ الدىمەن «قازكونتەنتكە» رەيتينگتى كوتەرۋ، مەنەدجمەنت پەن ماركەتينگتى، جوبالاردىڭ ساپاسىن ارتتىرۋ بويىنشا تۇبەگەيلى شەشىمدەر قابىلداۋ كەرەك. اقپارات كوميتەتىنە «قازاقپارات» پەن «قازكونتەنتكە» جەكە اقپاراتتىق سايتتاردىڭ رەيتينگىن نەگىزگە الا وتىرىپ، КРІ بەكىتۋدى تاپسىرامىن»، - دەدى ابايەۆ.
اۆتور: مارلان جيەمباي
