19:06, 08 - اقپان 2017 | GMT +5
قازاقستاندى جەڭگەننەن كەيىن رەسەيلىك قۇراما وكىلىنىڭ ادەپسىز قىلىعى ۆيدەوعا ءتۇسىپ قالدى - كەسكىن
استانا. قازاقپارات - حوككەيدەن رەسەي مەن قازاقستان اراسىنداعى فينالدىق كەزدەسۋ اياقتالعاننان كەيىن رەسەيلىك قۇراما وكىلىنىڭ ادەپسىز قىلىعى ۆيدەوعا ءتۇسىپ قالدى، - دەپ حابارلايدى Vesti.kz.
ماتچتىڭ اياقتالعانىن بىلدىرەتىن ىسقىرىقتان كەيىن كامەرا رەسەيلىكتەردىڭ قۋانىشىن كورسەتكەن، وسى كەزدە رەسەيلىك شتابتىڭ وكىلدەرىنىڭ ءبىرى ادەپسىز قىلىق كورسەتكەن. مۇنىڭ كىمگە ارنالعانى بەلگىسىز.
ايتا كەتەيىك، ماتچ 1:0 ەسەبمەن اياقتالعان ەدى. ويىننىڭ شەشۋشى ءساتى 42- مينۋتتا بولدى. قازاقستان قۇراماسىنىڭ قاقپاسىنان رەسەيلىك دانييل يلين ساڭىلاۋ تاپقان ەدى. وسىلايشا رەسەي قۇراماسى التىنشى رەت جانە ەكىنشى رەت قاتارىنان ۋنيۆەرسيادانىڭ التىن مەدالىن الىپ وتىر.
