امەريكالىقتار كەلەسى پرەزيدەنتتىك سايلاۋعا باراك وبامانىڭ جۇبايىن قاتىسۋعا شاقىرۋدا

استانا. قازاقپارات - پرەزيدەنت ورىنتاعىنداعى دونالد ترامپتىڭ العاشقى قادامدارىنا كوڭىلى تولماعان ا ق ش- تىڭ دەموكراتيالىق پارتياسىنىڭ جاقتاستارى الەۋمەتتىك جەلىلەردە كەلەسى پرەزيدەنتتىك سايلاۋعا باراك وبامانىڭ جۇبايىن قاتىسۋعا شاقىرۋدا.

سونىمەن، Facebook-تا وتكەن جىلدىڭ وزىندە «ميشەل وباما - 2020 -جىلى پرەزيدەنتتىككە» (Michelle Obama For President 2020) اتاۋىمەن بىرنەشە قوعامداستىقتار تىركەلگەن. وعان 1,5 ميلليون استام ادام جازىلعان. پىكىرلەردە قاتىسۋشىلار ترامپتى سىنعا الىپ، بۇرىنعى پرەزيدەنت جۇبايىنىڭ كۇشتى جاقتارىن تالقىلاۋدا.

سەبەبى باراك وباما كونستيتۋتسيا بويىنشا ەندى مەملەكەت باسشىسى ورنىن يەلەنە المايدى. سوندىقتان جانكۇيەرلەرى ونىڭ جۇبايىنا ءۇمىت ارتۋدا. ال ميشەل وباما ەش ۋاقىتتا سايلاۋعا قاتىسپايتىنىن بىرنەشە رەت مالىمدەگەن بولاتىن.

اۆتور: تازاگۇل حاسەنوۆا