15:16, 08 - اقپان 2017 | GMT +6
بيزنەسمەندەردىڭ بارلىعى نەلىكتەن پاۆلودارعا بارعىسى كەلەدى
پاۆلودار. قازاقپارات - «نۇر وتان» پارتياسى ءتوراعاسىنىڭ ءبىرىنشى ورىنباسارى مۇحتار قۇل-مۇحاممەد بيزنەسمەندەردىڭ بارلىعى نەلىكتەن پاۆلودارعا بارعىسى كەلەتىنىن ايتتى، - دەپ حابارلادى «قازاقپارات» ح ا ا ءتىلشىسى.
پاۆلودار وبلىسىنا جۇمىس ساپارى بارىسىندا مۇحتار قۇل-مۇحاممەد «زجبي تەمىر تاس» ج ش س ءۇي سالۋ كومبيناتىنىڭ ۇجىمىمەن جانە جۋرناليستەرمەن كەزدەسەدى.
«بيزنەسمەندەر نەلىكتەن پاۆلودارعا كەلگىسى كەلەدى؟ ويتكەنى مۇندا ەلەكتر ەنەرگياسى وتە ارزان. ءىرى قالالاردا، ونىڭ ىشىندە استانا مەن الماتىدا تۇتىنۋشىلار كيلوۆاتىنا 12-14 تەڭگە تولەيدى. مۇندا، وسى ەركىن ەكونوميكالىق ايماقتا - 4 تەڭگە. بۇل ەڭ ارزانى، - دەدى ول. - ەلەكتر ەنەرگياسىن قاجەت ەتەتىن كەي ءوندىرىس تۇرلەرىندە ءونىمنىڭ وزىندىك قۇنىنىڭ ۇشتەن ءبىرى ەلەكتر ەنەرگياسىن قۇرايدى. سوندىقتان وسى جاققا ۇمتىلادى ءبارى. مۇندا جاقسى جاعداي جاسالعان. نارىق تا جاقىن. بۇل دا ماڭىزدى، ارينە».
