نازاربايەۆ زياتكەرلىك مەكتەپتەرى العاش رەت ءوز جەتىستىكتەرىن كوپشىلىككە پاش ەتپەك
«سول كۇنى ساعات 16:00-دە استاناداعى ەسكى كونگرەسس-حولدا (قازىرگى «استانا» كونسەرت زالى) ەسەپ بەرۋ شارالارى وتەدى.
وندا بارلىق نازاربايەۆ زياتكەرلىك مەكتەپتەرىنىڭ وقىتۋ مەن تاربيە بەرۋ جۇمىستارى تانىستىرىلادى. ارنايى شەبەرلىك ساباقتارى ۇيىمداستىرالادى. سونداي- اق مەكتەپ وقۋشىلارىنىڭ ءوز قولىمەن جاساعان بۇيىمدارى ارنايى ساتىلىم كورمەسىنە شىعارىلاتىن بولادى. ءبىز العاش رەت نازاربايەۆ زياتكەرلىك مەكتەپتەرىندە وقيتىن بالالاردىڭ جۇمىستارىن xالىقتىڭ نازارىنا ۇسىنامىز»، - دەدى «نازاربايەۆ زياتكەرلىك مەكتەپتەرى» ا ق باسقارما ءتورايىمى كۇلاش ءشامشيدينوۆا بۇگىن استانادا وتكەن ءبىر جيىندا.
ءوز سوزىندە ول كونسەرت زالىن 1,8 ميلليون تەڭگەگە جالعا الۋعا تۋرا كەلگەنىن، ءبىراق ول اقشانى دەمەۋشىلەر وتەپ بەرۋگە نيەت بىلدىرگەنىن جەتكىزدى. ايتا كەتەيىك، بيىلعى جولداۋعا ارنالعان جيىندا ءشامشيدينوۆا «ءبىز بىلمەيتىن» ماماندىقتاردى جاريالادى. ونىڭ ايتۋىنشا، بالانى ءبارىن بىلۋگە ۇيرەتكەن جاقسى. ءبىراق ول سونى پايدالانا الماسا، بۇكىل ەڭبەكتىڭ زايا كەتكەنى. ء«بىر عانا مىسال كەلتىرەيىن، جۋرناليستەر ەينشتەيىننىڭ مەكتەپ باعدارلاماسىنداعى كەيبىر فورمۋلالاردى بىلمەيتىنىن ەستىپ، وعان سۇراق قويىپتى.
نوبەل سىيلىعىنىڭ لاۋرەاتى مەكتەپ باعدارلاماسىن بىلمەي، سىيلىقتى قالاي العانىن سۇراعاندا ەينشتەين: «مەنىڭ كابينەتىندە ءبىر شكاف بار. ونىڭ ىشىندە مەنەن دە ارتىق بىلەتىن ەنتسيكلوپەديالار جاتىر. ءبىراق نوبەل سىيلىعىن شكاف ەمەس، مەن الدىم»، دەدى ول.
مىنە، وسى مىسالدىڭ ءوزى بالانىڭ جادىسىن اقپاراتپەن تولتىرا بەرۋدەن ەشبىر پايدا جوق ەكەنىن كورسەتەدى. بالانى اقپاراتپەن جۇمىس ىستەۋگە، ونى تالداۋعا ۇيرەتۋ كەرەك. ول وزىنە قاجەتتى اقپاراتتى تابا ءبىلۋى كەرەك»، - دەپ اتاپ كورسەتتى ءشامشيدينوۆا.
اۆتور: ارمان اسقاروۆ
