جەكي چاننىڭ ديماش قۇدايبەرگەنگە ۇيرەتكەن ءبيى - كەسكىن
مەگاجۇلدىز ءوز كەزەگىندە ديماشقا "Kung Fu Yoga" كينوكارتيناسىنداعى ءبي قيمىلدارىن ۇيرەتكەن بولاتىن. قازاقپارات وقىرماندار نازارىنا اتالعان ءبيدىڭ تولىق نۇسقاسىن ۇسىنادى.
ەسكە سالايىق، دجەكي چانمەن كەزدەسىپ، ەرەكشە شاتتانعان ديماش قۇدايبەرگەن ءوز ينستاگرام پاراقشاسىنا: «بۇگىن مەنىڭ ومىرىمدە تاريحي ەستە قالاتىن ەرەكشە كۇن! اتاقتى اكتەر دجەكي چان مىرزا مەنى تەلەديداردان كورىپ، كەزدەسۋگە شاقىردى! كەزدەسۋدە اكتەر ماعان ءوزىنىڭ ەكسكليۋزيۆتى كۇرتەشەسىن جانە ارنايى فيرمالىق ءان تىڭداۋ قۇرىلعىسىن سىيعا تارتتى! ال مەن اكتەرگە قازاقتىڭ شاپانىن جاۋىپ، دومبىرانى سىيعا تارتتىم! دومبىرامەن ءبىر كۇي شەرتىپ بەرۋىمدى وتىنگەن دجەكي چانعا نۇرعيسانىڭ " ءالقيساسىنان" شاشۋ شاشتىم! ءوز كەزەگىندە اكتەر ماعان سوڭعى "Kung Fu Yoga" كينوكارتيناسىنداعى ءبي قيمىلدارىن ۇيرەتتى. بالا كەزىمنەن بەرى كەلە جاتقان سۇيىكتى اكتەرىم ماعان ءوز اقىل كەڭەستەرىن بەرىپ، شىعارماشىلىعىمدى باقىلايتىنىن ايتتى. ءسوز سوڭىندا، بارشا قازاقستان حالقىن جاڭا جىل مەرەكەسىمەن قۇتتىقتاپ، ادەمى لەبىز- تىلەگىن ءبىلدىردى! كەلەسى كەزدەسۋدى اسىعا كۇتەمىز! ارماندار ورىندالادى!» ، - دەپ جازعان بولاتىن.
اۆتور: ريزابەك نۇسىپبەك ۇلى
