وتتىڭ ورتاسىندا تاۋەكەل مۇسىلىممەن سۇيىسكەن جانار دۇعالوۆا جۇرتتىڭ اشۋىنا ءتيدى - كەسكىن

استانا. قازاقپارات - جانار دۇعالوۆا كەزەكتى ماحاببات تراگەدياسىن جارىققا شىعاردى. ءانشىنىڭ «الا كەتپەدىڭ» اتتى سۋ جاڭا بەينەبايانى تىڭدارماندار اراسىندا داۋ تۋعىزدى.

بۇل تۋرالى Stan.kz حابارلايدى.

بەينەباياننىڭ ءتۇسىرىلىم جۇمىستارى وتكەن جىلدىڭ قاراشا ايىندا وتكەن. دۇعالوۆا جاڭا تۋىندىنى جەلتوقسان ايىندا-اق شىعارامىن دەپ ۋادە ەتكەن ەدى. الايدا ءبىراز قيىندىقتارعا بايلانىستى بەينەبايان تۇساۋى ءسال كەشىرەك كەسىلدى. وعان ءبىر سەبەپ كليپتە كومپروماتتى كادرلاردىڭ بولۋى. اشىپ ايتساق، بەينەباياندا جانار دۇعالوۆا وتتىڭ ورتاسىندا تۇرىپ اكتەر تاۋەكەل مۇسىلىممەن سۇيىسكەن. سول سەبەپتى دۇعالوۆا اتالعان كادرلاردى بەينەبايانعا قوسۋ نە قوسپاۋدى ءبىر اي بويى ويلانعان. اقىرىندا ارىپتەستەرى مۇنىڭ ونەر ەكەنىن ايتىپ، ءانشىنى كوندىرگەن.

«تىرناق استىنان كىر ىزدەۋدىڭ قاجەتى جوق. مۇنى تەك ەكى ادامنىڭ اراسىنداعى ماحاببات، بايانسىز ماحاببات رەتىندە قابىلداڭىزدار. ارينە، بىرەۋگە ۇنايدى، بىرەۋگە ۇنامايدى. بىرەۋ تۇسىنەدى، بىرەۋ تۇسىنبەيدى، سىن ايتادى. وعان دايىنمىن»، - دەپ تۇيىندەدى جانار.

ال تىڭدارمانداردىڭ پىكىرى جاناردىڭ ءوزى كۇتكەندەي ەكىگە ءبولىندى. كەيبىرەۋلەر قازاق قىزىنىڭ ەل الدىندا جىگىتپەن سۇيىسكەنىن ۇياتقا بالاسا، ەندىگىلەر ونەر تۋىندىسىنا «جاۋھار» دەپ باعا بەردى. ايتپاقشى، شوۋ-بيزنەستەگى سۇلۋلاردىڭ بىرازىمەن سۇيىسكەن تاۋەكەلگە استارلاپ قالجىڭداعاندار دا تابىلدى.

«ەندىگى سۇراق تاۋەكەلگە: قاي اكتريسا نەمەسە ءانشى جاقسى سۇيىسەدى ەكەن؟ «،» كليپتىڭ سوڭى عاجاپ اسەر قالدىردى. ادامدار نە دەسە دە، ناعىز لايىقتى جۇمىس وسى. قۇشتارلىق، سەزىم، ۇمىتسىزدىك، شاراسىزدىق جانە وتقا ورايتىن لاۋلاعان ماحاببات. مەنىڭشە، بۇل جەردە اكتەرلىك شەبەرلىگىمەن تاڭعالدىرعان. تاۋەكەل دە العاش رەت بارىنشا ءوزىن اكتەر رەتىندە كورسەتكەن«،» نەتكەن كەرەمەت، جاناردى قازاق ەستراداسىنىڭ گاۋحارى دەپ بەكەر سانامايدى ەكەن «،» قازاقتار سۇيىسە باستادى»، - دەيدى جەلى قولدانۋشىلارى.