باكالاۆر اياسىندا اقپاراتتىق تەحنولوگيا ماماندارىن دايارلاۋ مۇمكىن ەمەس - الشانوۆ
دەپ حابارلايدى قازاقپارات ءتىلشىسى.
«قازىرگى كەزدە ءبىز، جوعارى وقۋ ورىندارى قاۋىمداستىعىنىڭ مۇشەلەرى باكالاۆريات، ماگيستراتۋرا مەن دوكتورانتۋرانىڭ ارا سالماعىن وزگەرتۋدى تالاپ ەتىپ وتىرمىز. سەبەبى يننوۆاتسيالاردى كىم ەنگىزەدى دەپ ويلايسىز؟ ەكونوميكانىڭ جاڭعىرۋىنا كىمدەر اتسالىسادى؟ البەتتە، باكالاۆردىڭ وعان كۇشى جەتپەيدى. بۇل جەردە ماگيسترانتتار مەن دوكتورانتتاردىڭ ءرولى زور. وسىنىڭ ءبارى - الەمدىك تاجىريبە»، - دەيدى الشانوۆ.
ونىڭ سوزىنە قاراعاندا، بۇگىندە اقپاراتتىق تەحنولوگيالار سالاسىنداعى ءبىلىم بەرۋ باعدارلامالارىن جەكە مەنشىك جوعارى وقۋ ورىندارى بەلسەندى تۇردە ىسكە اسىرىپ كەلەدى.
ايتا كەتەيىك، حالىقارالىق اقپاراتتتىق تەحنولوگيالار ۋنيۆەرسيتەتىنىڭ رەكتورى دامير شىنىبەكوۆ ەلىمىزدە اقپاراتتىق تەحنولوگيالاردى كەڭىنەن قولدانىپ، ونى حالىققا جان- جاقتى كورسەتەتىن كرەاتيۆتى قوعامدى قۇرۋ قاجەت دەپ سانايدى. الايدا سول كرەاتيۆتى قوعامدى قالىپتاستىراتىن ماماندار تاپشى.
«بۇگىندە قازاقستاننىڭ جوعارى وقۋ ورىندارىندا 480 مىڭعا جۋىق ستۋدەنت وقيدى. ءبىراق ولاردىڭ ىشىندە تەك 50 مىڭ جاس قانا اقپاراتتىق تەحنولوگيالار بويىنشا ءبىلىم الادى. جىل سايىن وسى باعىتتا 15-اق مىڭ ادام وقۋدى اياقتايدى. ولاردىڭ سانى ءبىر نارسەنى وزگەرتۋگە جەتەدى دەپ ويلايسىز با؟ بۇل جەردە ءبىر نارسەنى ەسكەرگەن ءجون، وقۋدى بىتىرگەن تۇلەكتەردىڭ ىشىندە تەك ءاربىر التىنشى، ءيا بولماسا، ءاربىر جەتىنشى مامان عانا ەكونوميكاعا پايدالى ستارت- اپ جوبانى ۇسىنا الادى»، - دەيدى ول.
بيىلعى جولداۋدا پرەزيدەنت سيفرلىق تەحنولوگيانى قولدانۋ ارقىلى قۇرىلاتىن جاڭا يندۋستريالاردى وركەندەتۋدى تاپسىرىپ وتىر. وسىعان وراي، ۇكىمەتكە «سيفرلى قازاقستان» اتتى جەكە باعدارلامانى ازىرلەۋ مىندەتى جۇكتەلدى. «سيفرلىق يندۋستريانى دامىتۋ باسقا بارلىق سالالارعا سەرپىن بەرەدى. سوندىقتان ۇكىمەت اقپاراتتىق تەحنولوگيالار سالاسىن دامىتۋ ماسەلەسىن ەرەكشە باقىلاۋدا ۇستاۋعا ءتيىس»، - دەپ اتاپ كورسەتتى نۇرسۇلتان نازاربايەۆ.
اۆتور: ارمان اسقاروۆ
