ايازعا بايلانىستى شىعىس قازاقستان وبلىسى مەكتەپتەرىندە ساباق بولمايدى

استانا. قازاقپارات - شىعىس قازاقستان وبلىسىنداعى كۇشتى ايازدان ساباق توقتاتىلدى. بۇل تۋرالى قازاقپارات وبلىستىق ت ج د باسپا ءسوز قىزمەتىنە سىلتەمە جاساپ حابارلايدى.

 وسىلايشا، زىريان اۋدانىندا 35 - اياز جانە 1-2 - اۋىسىمداعى 1-11 - سىنىپ وقۋشىلارىنا ساباق بولمايدى.

شەمونايحا اۋدانىندا ( 24 -، جەل 2-4 م/س) 1 - اۋىسىمدا وقيتىن 1-4  - سىنىپتار وقۋدان بوساتىلدى.

قاتونقاراعاي اۋدانىندا (33-) 1-2 - اۋىسىمداعى 1-9 - سىنىپ وقۋشىلارى ساباققا بارمايدى.

كوكپەكتى اۋدانىندا (33-) ءبىرىنشى اۋىسىمدا وقيتىن 1-8 - سىنىپتارعا ساباق توقتاتىلدى.

كۇرشىم اۋدانىندا (-30) 1-2 - اۋىسىمدا وقيتىن 1-4 - سىنىپتارعا ساباق بولمايدى.

اياگوز اۋدانىندا (-25) 1 - اۋىسىمداعى 1-4 - سىنىپ وقۋشىلارى ۋاقىتشا دەمالادى.