بايان ماقسات قىزى: مەن تۇرمىسقا شىققالى جاتىرمىن
ول وتباسىنداعى جانجال ياعني كۇيەۋىنىڭ پىشاقتاۋىنا ءوزىنىڭ وتىرىك ايتا المايتىندىعى سەبەپ بولدى دەپ وتىر.
«تۇرسىن ناۋرىز ايىندا ماعان كوڭىلىن ءبىلدىردى. مامىردا مەن ءوزىمدى ەرەكشە باقىتتى سەزىندىم. ياعني عاشىق بولا باستادىم. ماۋسىمدا بارشا جۇرت ەستىگەن قايعىلى جاعداي بولدى»، - دەپ قىسقا قايىردى پروديۋسەر 31- ارنا جاڭالىقتارىنىڭ تىكەلەي ەفيرىندە بەرگەن سۇحباتىندا.
«ءبىز ەكەۋمىز ەكى وتباسىنان ءبولىنىپ قوسىلماقشىمىز. قازىر ول وتباسىنداعىلار ءبىر-ءبىرىن ءتۇسىنىسىپ وتىر دەپ ايتا المايمىن. بارلىعىنا ۋاقىت كەرەك. قازىرگە باقىتتىمىز جانە جاقىن ارادا باقىتتى بولامىز دەپ ايتا المايمىن. باستىسى ماحاببات بار. باقىت، تۇسىنىستىك ازداعان ۋاقىتتان كەيىن بولادى دەپ سەنەمىن»، - دەدى پروديۋسەر 31- ارناعا بەرگەن سۇحباتىندا.
سونداي-اق، اكتريسا بايان ماقسات قىزى قاجەت بولسا بۇرىڭعى كۇيەۋىنىڭ تەگىن تاستاپ، جاڭا سۇيىكتىسىنىڭ فاميلياسىن الۋعا دا بار ەكەنىن جاسىرمادى.
«الاگوزوۆ تەگى ماعان ۇنايدى، كەرەك بولىپ جاتسا وسى فاميليانى الامىن. بۇرىندارى ءبىر وتباسىنىڭ مۇشەلەرى ءبىر تەكتە بولعانى دۇرىس دەپ ويلايتىنمىن»، - دەپ قىسقا قايىردى.
اكتريسا مەن ونىڭ جاڭا سۇيىكتىسى قازىرگە نەكە جۇزىكتەرىن تاعىپ، ءوز ارا كەلىسىمگە كەلگەن. تەك، تويلارىن بارشا جاقىندارىن شاقىرىپ كوكتەمدە اتاپ وتپەكشى ەكەن.
«مەن جانە مەنىڭ قىزدارىم بالا كۇنىمىزدەن جۇرتتىڭ تالقىسىنا تۇسۋگە ۇيرەنىپ تە كەتتىك. قازىر ەلدىڭ ءسوزى تۇرسىنعا وڭاي ءتيىپ جاتقان جوق. ۋاقىت كەلە ول ۇيرەنىپ كەتەدى دەگەن سەنىمدەمىن»، - دەدى پروديۋسەر.
بايان ماقسات قىزى ءوزى جازىپ جاتقان كىتاپتىڭ مازمۇنى جايلى قىسقاشا ايتىپ ءوتتى.
«مەن وندا ەشكىمگە پىسىق بولۋدى، بايلىققا جەتۋدىڭ جولىن ۇيرەتپەيمىن. وندا ەشكىمگە ايتپاعان سىرلارىم جازىلادى. مەن دە جاي ادام ەكەنىمدى ءار وقىرمانىما تۇسىندىرگىم كەلەدى. مەن دە شاتاساتىن قاراپايىم ادام ەكەنىمدى ۇقتىرعىم كەلەدى. كىتاپ ايەلدەر قاۋىمىنا ارنالعان. مەننەن كەرەمەت ادام جاساۋدىڭ، ۇقساۋعا تىرىسۋدىڭ ەش قاجەتى جوق»، - دەدى پروديۋسەر.
ءسوز سوڭىندا بايان ماقسات قىزى دەنساۋلىعى اۋىرلاپ، قال ۇستىندە جاتقان كەزدە قولداپ، دۇعا تىلەگەندەرگە باسىن ءيىپ العىسىن ايتتى. ءوزىن سىنايتىنداردان كەشىرىم سۇرادى.
«مەن ءالى كۇنگە دارىگەر مەن پسيحولوگتىڭ كەڭەسىنە بارىپ ءجۇرمىن. جۇزىمدەگى جاراقاتتار بويىنشا تاعى بىرنەشە ۋاقىت ەم قابىلداۋىم كەرەك»، - دەدى پروديۋسەر.
سونداي-اق، جاڭا وتباسىندا ءسابي دۇنيەگە كەلىپ جاتسا وعان دا قارسى ەمەس ەكەنىن جەتكىزدى. ال جۇرت ايتىپ جۇرگەن نەكە كەلىسىم شارتىن جاڭا سۇيىكتىسىمەن جاساسپاعانىن، بيزنەسمەن عاشىعى قاجەت دەپ تاپسا وعان دا كەلىسەتىنىن ايتتى .
