تاڭعاجايىپ تانىمالدىلىققا يە بولعان ديماش تۋرالى دەرەكتى فيلم تۇسىرىلەدى
«ديماش تۋرالى دەرەكتى فيلم ءتۇسىرۋدى ۇسىنامىن - ونىڭ قىتايعا كەلگەندىگى، وسىندا وتكىزگەن ۋاقىتى جانە «جاڭا» ديماشتىڭ پايدا بولۋى تۋرالى. دوستار، قالاي ويلايسىزدار؟ قىزىقتى يدەيالاردى ۇسىنعاندارمەن جۇمىس ىستەيتىن بولامىز»، - دەدى ول.
استانا ۋاقىتىمەن تۇنگى ساعات 1 گە دەيىن جالعاسقان تىكەلەي ەفير بارىسىندا ءشارىموۆ قىتايلىق جانكۇيەر قىزداردىڭ ءبىرقاتار حاتتارىن وقىپ بەرىپ، ءانشى بەينەلەنگەن پورترەتتەردى كورسەتتى. ول Instagram-داعى جازىلۋشىلاردىڭ سۇراقتارىنا جاۋاپ بەرە كەلە، ءوزى تۋرالى دا ءبىرقاتار مالىمەتتەر بەرىپ ءوتتى.
ديماشتىڭ جەكە ومىرىنە قاتىستى كوپتەگەن سۇراقتار قويىلدى. وعان ءشارىموۆ: «ديماشتىڭ باسى بوس، ۇيلەنبەگەن. بۇل تاقىرىپتى جابايىق»، - دەپ قىسقا قايىردى. ايتا كەتەيىك، وتانداسىمىز ديماش قۇدايبەرگەنوۆتىڭ اسپان استى ەلىندەگى تانىمالدىلىعى وسى ەلدەگى ءان بايقاۋىنا قاتىسۋدان باستالدى. ول بايقاۋدىڭ العاشقى ەكى كەزەڭىندە - ءبىرىنشى، ۇشىنشىسىندە 3-ورىن الىپ، ميلياردتاعان جۇرتتى ءوز ونەرىنە ءتانتى ەتتى.
ونىڭ قىتايلىق الەۋمەتتىك جەلىدەگى جازۋشىلار سانى ميلليوننان استى، وعان اقىندار ولەڭ-جىرلار ارناپ، قىزدار قازاقشا ۇيرەنىپ، حاتتار جازۋدا. جانكۇيەرلەر ءوز پاراقشالارىن ديماشتىڭ سۋرەتتەرىنە تولتىرۋدا. ءتىپتى، قىتاي دۇكەندەرىندە وتانداسىمىزدىڭ كەلبەتى بەينەلەنگەن بۇيىمدار، تۇرمىستىق زاتتار ساتىلا باستادى.
ديماشتىڭ ونەرىنە ءتانتى بولعان الەمگە تانىمال ءانشى لارا فابيان ونىمەن كەزدەسكىسى كەلەتىنىن ايتتى. ال كۇنى كەشە عانا بەلگىلى اكتەر، كينورەجيسسەر دجەكي چان د. قۇدايبەرگەنوۆتى كەزدەسۋگە شاقىرىپ، اڭگىمەلەسكەن بولاتىن.
